సమ్మర్ లో పెద్ద సినిమాల సౌండ్.. బ్యాక్ టూ బ్యాక్

ఈ సమ్మర్ లో పెద్ద సినిమాలేవీ కూడా థియేటర్స్ లోకి రావడం లేదు. కల్కి 2898ఏడీ మూవీ వస్తుందని భావించిన ఎన్నికల మూడ్ కారణంగా అది వాయిదా పడింది. జూన్ ఆఖరు లేదా జులై లో రిలీజ్ కావొచ్చు. దేవర ఏప్రిల్ అని ముందు కన్ఫర్మ్ చేసిన ఇప్పుడు అక్టోబర్ కి వెళ్ళిపోయింది. పుష్ప ది రూల్ మూవీ ఆగష్టు 15న రిలీజ్ కానుంది. ఇక రామ్ చరణ్ గేమ్ చేంజర్ డేట్ ఇప్పటి వరకు ఫిక్స్ కాలేదు.

అయితే అభిమానులు మాత్రం తమ హీరోల సినిమాల నుంచి టీజర్ లేదా సాంగ్స్ ఈ సమ్మర్ సర్ ప్రైజ్ గా వస్తే చూడాలని ఆశిస్తున్నారు. దానికి తగ్గట్లుగానే ఆయా చిత్ర యూనిట్ లు ప్లానింగ్ చేస్తున్నాయి. ఇప్పటికే గేమ్ చేంజర్ నుంచి ఫుల్ ఎనర్జిటిక్ తో సాగిపోయే జరగండి జరగండి సాంగ్ ని ఫస్ట్ సింగిల్ గా రిలీజ్ చేశారు. ఈ సాంగ్ కొద్ది రోజులు ఒక ఊపు ఊపింది.

ఐకాన్ స్టార్ అల్లు అర్జున్ పుష్ప ది రూల్ మూవీ నుంచి ఫస్ట్ సింగిల్ ని రిలీజ్ చేసేందుకు చిత్ర యూనిట్ సిద్ధం అవుతోంది. పుష్ప సాంగ్స్ వరల్డ్ వైడ్ గా ఎంత ట్రెండ్ అయ్యాయో అందరికి తెలిసిందే. ఈ సాంగ్స్ కి గాను దేవి శ్రీ ప్రసాద్ నేషనల్ అవార్డు కూడా అందుకున్నారు. దీంతో పుష్ప 2 నుంచి రాబోయే సాంగ్స్ పై భారీ అంచనాలు నెలకొని ఉన్నాయి. కచ్చితంగా ఆ అంచనాలు అందుకునేలానే సాంగ్స్ ఉంటాయని చిత్ర యూనిట్ నుంచి వినిపిస్తోన్న మాట.

మరి ఇప్పుడు ప్లాన్ చేస్తోన్న ఫస్ట్ సింగిల్ తో పుష్ప 2కి ఎలాంటి హైప్ తీసుకొస్తారు అనేది చూడాలి. నెక్స్ట్ కల్కి 2898ఏడీ నుంచి కూడా నాగ్ అశ్విన్ ఫస్ట్ సింగిల్ ప్లాన్ చేస్తున్నాడంట. మైథాలజీ అడాప్టెడ్ సైన్స్ ఫిక్షన్ మూవీ కావడంతో ఈ సినిమా నుంచి రాబోయే సాంగ్స్ ఎలా ఉంటాయా అనే ఆసక్తి అందరిలో ఉంది. యంగ్ టైగర్ ఎన్టీఆర్ పాన్ ఇండియా మూవీ దేవర షూటింగ్ దశలో ఉంది.

ఈ సినిమాకి అనిరుద్ మ్యూజిక్ అందిస్తున్నారు. ఫస్ట్ సింగిల్ ని జూనియర్ ఎన్టీఆర్ బర్త్ డే సందర్భంగా రిలీజ్ చేయాలని ప్లాన్ చేస్తున్నారు. ఈ మధ్యకాలంలో అనిరుద్ నుంచి వచ్చిన మ్యూజిక్ ఆల్బమ్స్ అన్ని సూపర్ హిట్ అవుతున్నాయి. మరి దేవరకి ఎలాంటి సాంగ్స్ ఇచ్చాడనేది తెలుసుకోవాలనే ఆసక్తి ఫ్యాన్స్ లో ఉంది. ఈ సినిమాల సాంగ్స్ అన్ని కూడా సమ్మర్ లో సినీ ప్రియులకి కాస్తా సాంత్వన అందిస్తాయని సినీ విశ్లేషకులు భావిస్తున్నారు.