రాక్షసిగా సూర్య భార్య

తమిళ్ హీరోల్లో తెలుగు మార్కెట్ బలంగా ఉన్న అతి కొద్ది మందిలో సూర్య ఒకడు. ఈ మధ్య ఆశించిన విజయాలు సాధించలేకపోయినా సరైన కథ పడితే ఇప్పటికీ మంచి వసూళ్లు వచ్చే రేంజ్ అతనికి ఉంది. సూర్యనే కాదు భార్య జ్యోతిక కూడా మనకు బాగా సుపరిచితురాలే. పెళ్లి చేసుకున్న తర్వాత కొంత కాలం సినిమాలకు స్వస్తి చెప్పిన జ్యోతిక సెకండ్ ఇన్నింగ్స్ జోరుగా నడిపిస్తోంది.

గత ఏడాది తుమురి సులు రీమేక్ కాత్రిన్ మొజితో మంచి సక్సెస్ అందుకున్న వైఫ్ అఫ్ సూర్య త్వరలో రాక్షసిగా రాబోతోంది. ఎస్ రాజ్ అనే డెబ్యు డైరెక్టర్ తీయబోయే మూవీలో జ్యోతిక భయస్తురాలైన స్కూల్ టీచర్ గా ఓ సరికొత్త పాత్ర చేయనుందని సమాచారం. దీని డ్రీం వారియర్ పిక్చర్స్ సంస్థ నిర్మించబోతోంది. దీనికే రాక్షసి అనే టైటిల్ ఫిక్స్ చేశారు

గత కొంత కాలంగా జ్యోతిక సినిమాలు తెలుగులో డబ్ కావడం లేదు. ఆ మధ్య బాల సినిమా ఒకటి ఝాన్సీ పేరుతో ఇక్కడ వచ్చింది కాని మనవాళ్ళు పట్టించుకోలేదు. అందుకే రాక్షసిని తెలుగులోకి ఒకేసారి తీసుకొచ్చే ప్రయత్నాలు జరుగుతున్నట్టు టాక్. రాక్షసి టైటిల్ తో తెలుగులో సినిమాలు వచ్చిన దాఖలాలు తక్కువ. లావణ్య త్రిపాటిని అందాల రాక్షసిగా హను రాఘవపూడి చూపించాడు కాని ఇలా సోలో రాక్షసిని మాత్రం ఎవరూ టచ్ చేయలేదు. ఇది హారర్ జానరా లేక రెగ్యులర్ కమర్షియల్ మూవీనా అనే క్లారిటీ ఇంకా రావాల్సి ఉంది