మళ్ళీ రకుల్ తోనే రొమాన్స్

ఒకసారి వెండితెరపై హీరో హీరోయిన్ జంట మంచి హిట్ అందుకున్నారాంటే చాలు. నెక్స్ట్ సినిమాను కూడా అదే కాంబినేషన్ల్ తెరక్కేకించడానికి నిర్మాతలు చాలా వరకు ఆసక్తిని చూపుతారు. ఇక బాక్స్ మార్కెట్ కూడా ఆ జోడికి ప్రత్యేకంగా ఉంటుందనే చెప్పాలి. అయితే ఇప్పుడు అదే దారిలో మంచి విజయాన్ని అందుకోవాలని చూస్తోంది ఒక సౌత్ జంట.

కార్తీ హీరోగా తెరకెక్కుతున్న ''ఖాకి'' సినిమాపై కోలీవుడ్ లో ఇప్పుడు భారీ అంచనాలు ఉన్నాయి. రిసేంట్ గా విడుదల చేసిన టీజర్ కి కూడా మంచి స్పందన వచ్చింది. తెలుగులో కూడా ఈ సినిమాను రిలీజ్ చేస్తున్నారు. అయితే ఖాకి సినిమాలో కార్తీకి జోడిగా రకుల్ ప్రీత్ నటిస్తోన్న విషయం తెలిసిందే.. అయితే ఇప్పుడు మరొక కొత్త సినిమాతో వీరిద్దరూ మరొకసారి స్క్రిన్ షేర్ చేసుకోబోతున్నారు. చాలా మంది సీనియర్ దర్శకుల దగ్గర కొన్ని సినిమాలకి అసిస్టెంట్ డైరెక్టర్ గా వర్క్ చేసిన కొత్త దర్శకుడు రజత్ తీయబోయే సినిమాలో కార్తీ అండ్ రకుల్ మరోసారి జోడి కట్టనున్నారట. త్వరలోనే ఈ సినిమా సెట్స్ పైకి వెళ్లనుంది.

మొత్తానికి తెలుగులో మాత్రం వరుసగా యావరేజ్ అండ్ బిలో యావరేజ్ సినిమాలతో సతమతమవుతున్న రకుల్.. తమిళంలో మాత్రం అప్పుడే వరుసగా సినిమాలను సైన్ చేస్తోంది. చూస్తుంటే.. త్వరలోనే అజిత్ అండ్ విజయ్ సినిమాలను కూడా పట్టేస్తుందేమో. అంతేలేండి.. తెలుగులో హిట్టయ్యాకనే కాజల్ సమంత త్రిష వంటి భామలు తమిళంలో క్లిక్కయ్యారు. రకుల్ కూడా అదే దారిలో వెళుతోంది.