కుర్ర హీరో ఐస్ క్రీములు పంచుతున్నాడు

పుట్టిన‌రోజునాడు అభిమానుల‌తో ర‌క్త‌దానం చేయించడం... థియేట‌ర్ల‌కి వెళ్లి అభిమానుల‌తో క‌లిసి కేక్ క‌ట్ చేసి పార్టీ చేసుకోవ‌డం వంటి హంగామా చేసే హీరోలు చేసి ఉంటారు. కానీ అభిమానుల గురించీ- సామాన్య ప్ర‌జ‌ల గురించి ఆలోచించే స్టార్లు చాలా త‌క్కువ‌. ఇప్పుడు ‘అర్జున్ రెడ్డి’ ఉర‌ఫ్ విజ‌య్ దేవ‌ర‌కొండ మాత్రం ఈ విష‌యంలో చాలా ముందున్నాడు.

ఎండ‌లు మండిపోతున్నాయి. మ‌ధ్యాహ్నం పూట బ‌య‌టికి రావాలంటేనే బ‌య‌ప‌డే ప‌రిస్థితి. కొన్ని రోజులు ఎండ‌లో షూటింగ్ చేసిన త‌ర్వాత విజ‌య్ దేవ‌ర‌కొండ‌కి కూడా ఎండ క‌ష్టాలు తెలిసొచ్చాయి. వెంట‌నే ఏ మాత్రం ఆలోచించ‌కుండా జ‌నాల కోసం చ‌ల్ల‌ని హిమ‌క్రీములు పంచాల‌ని డిసైడ్ అయిపోయాడు. స్టూడెంట్స్- ఉద్యోగులు- ఎండ‌లో నిల్చోని ఉద్యోగం చేసే ట్రాఫిక్ పోలీసుల‌కు... ఎండ‌లో తిరిగే వారికి ఉచితంగా ఐస్ క్రీములు ఇచ్చేందుకు మూడు ట్ర‌క్కుల‌ను ఏర్పాటు చేశాడు. ఇవి న‌గ‌ర‌మంతా తిరుగుతూ సామాన్యుల‌కు ఐస్ క్రీమ్స్ పంచుతాయి. ‘ఏ మాత్రం మొహ‌మాట‌ప‌డ‌కుండా బండి ద‌గ్గ‌రికి వ‌చ్చి ఉచితంగా ఐస్ క్రీమ్స్ తీసుకోండి. నా పుట్టిన‌రోజు పార్టీ అనుకోండి. ఐస్ క్రీమ్ తీసుకున్న త‌ర్వాత మీ స్మైలీ ఫేస్ ల‌ను ఫోటో తీసి నాకు పంపించండి. చూసి ఆనందిస్తా!’ అంటూ ట్వీట్ట‌ర్లో పోస్టు చేశాడు విజ‌య్ దేవ‌ర‌కొండ‌.

‘అర్జున్ రెడ్డి’ సినిమాతో టాలీవుడ్ సెన్సెష‌న‌ల్ స్టార్ అయిపోయాడు విజ‌య్ దేవ‌ర‌కొండ‌. ఇప్పుడు మ‌నోడి చేతిలో ఉన్న సినిమాల లిస్టు- వెయిటింగ్లో ఉన్న ప్రాజెక్టుల లిస్టు చూస్తే ఎవ్వ‌రైనా షాక్ అవ్వాల్సిందే. ఈరోజు ఆయ‌న పుట్ట‌నరోజు. ఇదే రోజు ఆయ‌న ప్ర‌త్యేక పాత్ర‌లో న‌టించిన ‘మ‌హాన‌టి’ సినిమా విడుద‌ల అవ్వ‌డం విశేషం.