వినోద‌ ప‌రిశ్ర‌మ‌లో సూప‌ర్ ప‌వ‌ర్ మ‌న రాజ‌మౌళి

2024 హై & మైటీ పవర్ లిస్ట్ తాజాగా విడుద‌లైంది. ఈ జాబితాలో కింగ్ ఖాన్ షారూఖ్ నంబ‌ర్1 గా నిల‌వ‌గా, నంబ‌ర్ 2గా రాజ‌మౌళి రికార్డుల‌కెక్కారు. ఇక మూడ‌వ స్థానంలో దీపిక ప‌దుకొనే చేరింది. ప‌ఠాన్, జ‌వాన్, డంకీ లాంటి చిత్రాల‌తో బ్లాక్ బ‌స్ట‌ర్లు అందుకున్న షారూఖ్ గ్రేట్ కంబ్యాక్ తో అద‌ర‌గొట్టాడు. అత‌డి పేరు మోస్ట్ ప‌వ‌ర్ ఫుల్ గా మారింది. అలాగే ఆర్.ఆర్.ఆర్ 2022లో విడుద‌లైనా గ‌డిచిన రెండేళ్లుగా ఈ మూవీ గురించి, రాజ‌మౌళి ప‌నిత‌నం గురించి, అత‌డి తార‌ల గురించి ఇప్ప‌టికీ మాట్లాడుకుంటున్నారు. ఆర్‌.ఆర్.ఆర్ నాటు నాటుతో ఆస్కార్, గోల్డెన్ గ్లోబ్స్, హాలీవుడ్ క్రిటిక్స్ అవార్డుల‌ను అందుకోవడం... ఈ సినిమాని టెక్నిక‌ల్‌గా హై స్టాండార్డ్స్ లో రూపొందించిన ప్ర‌తిభావంతుడిగా రాజమౌళి పేరు మార్మోగ‌డం.. దాంతో పాటే, ఆస్కార్ క‌మిటీలో చోటు ద‌క్కించుకోవ‌డం.. ఇటీవ‌ల మ‌హేష్ తో మూవీ రూప‌క‌ల్ప‌న పేరుతో నిరంత‌రం హెడ్ లైన్స్ లో నిల‌వ‌డం వ‌గైరా కార‌ణాల‌తో రాజ‌మౌళి ఒక సూప‌ర్ ప‌వ‌ర్ అని అంద‌రికీ అర్థ‌మైంది.

దీపిక షారూఖ్ తో ప‌ఠాన్- జ‌వాన్ లాంటి బ్లాక్ బ‌స్ట‌ర్ల‌లో న‌టించడంతో పేరు మార్మోగింది. ప్ర‌భాస్ కల్కి 2898 ADలోను కీల‌క పాత్ర‌ను పోషించింది. బ్యాక్-టు-బ్యాక్ హిట్‌లను అందుకుంది. ఇండియా టుడే మ్యాగజైన్ 2024 హై & మైటీ పవర్ లిస్ట్ కోసం జూరీ వారిని గుర్తించింది. ఎంటర్‌టైన్‌మెంట్ ప్రపంచంలో అత్యంత శక్తివంతమైన పేర్ల జాబితాలో దీపిక కూడా చేరింది. దీపిక ట‌చ్ అంటే మిడాస్ ట‌చ్ అన్నంత‌గా పాపుల‌రైంది. ఈ భామ న‌టించిన‌ గత నాలుగు సినిమాలు ఏకంగా ప్రపంచవ్యాప్తంగా రూ. 3,600 కోట్లు వసూలు చేశాయి.

ఆస్కార్ (2023), బాఫ్టా (24)లో ప్రదర్శ‌న‌లు.. ఖతార్‌లో FIFA ప్రపంచ కప్ ట్రోఫీని ఆవిష్కరించడం.. మానసిక ఆరోగ్యంపై అవగాహన కల్పించడంలో ఆమె చేసిన కృషికి... ప్రపంచ ఆర్థిక స‌ద‌స్సు వేదికలో సత్కరించడం వరకు ఆమె గ్లోబల్ స్టార్ హోదాలో అత్యంత ప్రతిష్టాత్మకమైన వేదికలపై మెరిసింది. ప్ర‌ఖ్యాత‌ బ్రాండ్, లూయిస్ విట్టన్ సహా 14 లేబుల్‌లను దీపిక‌ ఆమోదించింది. గ్లోబల్ లగ్జరీ బ్రాండ్ కి సంతకం చేసిన మొదటి భారతీయ ముఖంగా దీపిక నిలిచింది. ఇప్పుడు `సింగం ఎగైన్`లో లేడీ సింగం పాత్రతో అలరించింది.

భారతీయ వినోద‌ పరిశ్రమ ఇప్పుడు ప్రపంచవ్యాప్త పరిశ్రమల కంటే ఎక్కువ సినిమాలు, బుల్లితెర‌ షోలను నిర్మిస్తోంది. పవర్ లిస్ట్ 2024 జాబితాలో మ‌న సెల‌బ్రిటీలు స్థానం ద‌క్కించుకుని సంచ‌ల‌నం గా మారుతున్నారు.