బేబీ బంప్ తో పవన్‌ బాపు బొమ్మ

పవన్ కళ్యాణ్ అత్తారింటికి దారేది సినిమాలో సెకండ్‌ హీరోయిన్‌ పాత్రలో కనిపించినా కూడా బాపు బొమ్మ అంటూ మంచి ఇమేజ్ ను సొంతం చేసుకున్న ముద్దుగుమ్మ ప్రణీత సుభాష్‌. తెలుగు లో తనీష్ తో కలిసి 2010 లో ఏమ్‌ పిల్లో ఏం పిల్లాడో సినిమాతో ఎంట్రీ ఇచ్చిన ఈ అమ్మడు తక్కువ సమయంలోనే మంచి గుర్తింపు సొంతం చేసుకుంది. తెలుగు సినిమాలతో పాటు కన్నడ, తమిళ సినిమాలు వరుసగా చేస్తూ వచ్చిన ప్రణీత కి తెలుగు సినిమా ఇండస్ట్రీలో మంచి ఆఫర్లు దక్కాయి. కానీ అదృష్టం కలిసి రాకపోవడంతో ఎక్కువ సినిమాలు ఆమెకు నిరాశనే మిగిల్చాయి. కొన్ని సినిమాలు హిట్‌ అయినా ఆ హిట్‌ క్రెడిట్‌ ఆమెకు దక్కలేదు.

టాలీవుడ్‌ లో దక్కని క్రేజ్‌, స్టార్‌ డమ్‌, హిట్స్ ను ప్రణీత తమిళ్‌, కన్నడ భాషల్లో దక్కించుకుంది. 2021 వరకు వరుసగా సినిమాల్లో నటించిన ప్రణీత సుభాష్ పెళ్లి, ఆ తర్వాత పాపకు జన్మనివ్వడం వల్ల సినిమాలకు గ్యాప్‌ ఇచ్చింది. సోషల్‌ మీడియాలో తన భర్త తో ఉన్న ఫోటోలను రెగ్యులర్‌ గా షేర్‌ చేస్తూ ఉండేది. ఇప్పుడు తన కూతురు తో ఉన్న ఫోటోలను ప్రణీత షేర్‌ చేస్తోంది. ఇటీవల జన్మాష్టమి సందర్భంగా తన కూతురును కృష్ణుడి గా తయారు చేసింది. ఆ ఫోటోలు, వీడియోలను ఇన్‌ స్టా ద్వారా ప్రణీత షేర్‌ చేయడం జరిగింది. ఇదే సమయంలో ప్రణీత తన రెండో ప్రెగ్నెన్సీ విషయాన్ని ఖరారు చేసింది.

అందమైన ప్రణీత సుభాష్ తన సెకండ్ బేబీ బంప్ తో ఫోటో షూట్‌ తో అలరించింది. సముద్రపు ఒడ్డున, అందమైన బ్యాక్‌ గ్రౌండ్‌ తో తలకు హ్యాట్‌ ధరించి, సింపుల్‌ ఔట్‌ ఫిట్ లో ప్రణీత సుభాష్ ఫోటోలకు ఫోజ్ ఇచ్చింది. తన బేబీ బంప్ పై చేతులు వేసి, తాను సెకండ్‌ బేబీకి బర్త్‌ ను ఇవ్వబోతున్నట్లుగా చాలా సంతోషంగా ఫోటోలకు ఫోజ్ ఇచ్చింది. మాతృత్వం తాలూకు మధురానుభూతిని ఇప్పటికే ప్రణీత ఆస్వాదిస్తున్న విషయం తెల్సిందే. మరోసారి తల్లి కాబోతున్న ప్రణీత గతంలో మాదిరిగానే చాలా అందంగా ఉందని నెటిజన్స్ కామెంట్స్ చేస్తున్నారు.

ఈ ఏడాది కన్నడం లో ఒక సినిమా మలయాళంలో ఒక సినిమాను చేసిన ప్రణీత ప్రస్తుతానికి బ్రేక్ తీసుకుంది. సెకండ్‌ బేబీకి జన్మనిచ్చిన తర్వాత ప్రణీత సుభాష్‌ మళ్లీ నటిగా బిజీ అయ్యే అవకాశాలు ఉన్నాయి. టాలీవుడ్‌ లో కూడా ఈ అమ్మడు రీ ఎంట్రీ ఇవ్వాలని ఫ్యాన్స్ మరియు ప్రేక్షకులు కోరుకుంటున్నారు. కన్నడ మరియు మలయాళ సినిమా మేకర్స్‌ ఇప్పటికి కూడా ప్రణీత సుభాష్ కోసం క్యూ కడుతున్నారు. వచ్చే ఏడాదిలో ప్రణీత సినిమాల్లో నటించే అవకాశాలు ఉన్నాయని తెలుస్తోంది.