#నా సామి రంగ‌.. కుమారి ప్రేమ‌లేఖ చ‌దివారా?

కింగ్ నాగార్జున‌- అల్ల‌రి న‌రేష్- రాజ్ త‌రుణ్ ప్ర‌ధాన పాత్ర‌ల్లో న‌టించిన మ‌ల్టీస్టార‌ర్ చిత్రం 'నా సామి రంగ' సంక్రాంతి కానుక‌గా నేడు (ఆదివారం నాడు) థియేట‌ర్ల‌లో విడుద‌లైన సంగ‌తి తెలిసిందే. హ‌ను-మ్యాన్ త‌ర్వాత ఉన్నంత‌లో బెట‌ర్ స‌మీక్ష‌లు అందుకున్న‌ది ఈ సినిమా మాత్ర‌మే. కింగ్ నాగార్జున చెబుతున్న‌ట్టు ఈ సంక్రాంతి బ‌రిలో ఫ్యామిలీ మూవీగా స‌మీక్ష‌కులు అభివ‌ర్ణించారు. కంటెంట్ రొటీన్ గా ఉన్నా కానీ, ఎలివేష‌న్ బావుంద‌ని క్రిటిక్స్ ప్ర‌శంసించారు.

తాజాగా ఇన్ స్టాగ్ర‌మ్ లో సంక్రాంతి వేష‌ధార‌ణ‌ల‌తో నాగార్జున అండ్ టీమ్ క‌నిపించింది. ఈ ఫోటోగ్రాఫ్ ని కుమారి పాత్ర‌ధారి రుక్షార్ థిల్లాన్ స్వ‌యంగా ఇన్ స్టాలో షేర్ చేసి ''NAA SAAMI RANGA- ఒక పక్కా సంక్రాంతి ఫ్యామిలీ ఎంటర్‌టైనర్... మీ కోసం వేచి ఉంది! ఇప్పుడు థియేటర్లలో ఉంది'' అని తెలిపింది. ఫ్యామిలీ ఫోటోని ఆవిష్క‌రిస్తూ.. ఈ అందమైన బృందంతో క‌లిసి ప‌ని చేసేందుకు ఆశీర్వాదం ద‌క్కింది. అత్యంత మనోహరమైనది శక్తివంతమైన కుటుంబం. అనేక కారణాల వల్ల నాగార్జున అక్కినేని.. మీతో పని చేయడం చాలా ఆనందంగా ఉంది సార్. సినిమాలపై మీ ప్రేమ, మీ వినయం.. వాస్త‌విక ప్రేమ‌ సాటిలేనిది! మీరుగా ఉన్నందుకు ధన్యవాదాలు. నా ప్రియమైన స్నేహితుడు, ఏస్ కొరియోగ్రాఫర్ ఇప్పుడు ప్రముఖ దర్శకుడు విజ‌య్ బిన్ని మీరు అద్భుతంగా ఉన్నారు మాస్టర్! కుమారిని అందించినందుకు ధన్యవాదాలు. ఆమె ఎప్పుడూ ప్రత్యేకంగా ఉంటుంది.. అని త‌న‌కు కుమారి పాత్ర‌ను ఆఫ‌ర్ చేసినందుకు ఆనందం వ్య‌క్తం చేసింది.

నన్ను సెట్స్‌లో బాగా ఎంటర్‌టైన్ చేసినందుకు.. గొప్ప సహనటుడిగా ఉన్నందుకు రాజ్ త‌రుణ్‌కి ధన్యవాదాలు.. భాస్కర్‌కి కుమారి కావడం చాలా సరదాగా ఉంద! అని ల‌వ్ ఈమోజీల‌ను షేర్ చేసింది. అల్ల‌రి న‌రేష్- మిర్ణా .. మీ అద్భుతమైన ప్రదర్శనల‌ను ప్రేమిస్తారు... ప్రశంస‌లు అందుకుంటారు. ఆ పాత్ర‌ల్లో మీరు చంపారు! ఆషికా రంగ‌నాథ్ మీరు మెరిశారు .. మీ పనితీరును ప్రపంచం చూసే వరకు వేచి ఉండలేము! చివరగా చెప్పాలంటే, మా ఆస్కార్ విజేత అద్భుతమైన సంగీత దర్శకుడు ఎం.ఎం.కీర‌వాణి గారు.. మీ ఆత్మీయమైన శక్తివంతమైన సంగీత కంపోజిషన్లు 'నా సామి రంగ' చిత్రాన్ని ఉన్నత స్థాయికి చేర్చినందుకు మేము చాలా ఆశీర్వాదంగా గౌరవంగా భావిస్తున్నాము!

ఇప్పుడు సినిమా మీదే (ప్రేక్ష‌కుల‌దే). మాకు మీ ప్రేమ మద్దతు కావాలి. మీకు సమీపంలోని థియేటర్‌లో NAA SAAMI RANGA చూడండి.... ప్రేమ‌తో మీ కుమారి.. అని ఒక సుదీర్ఘ లేఖ‌ను రాసింది రుక్షార్. త‌న‌దైన అందం అభినయంతో క‌ట్టి ప‌డేస్తున్న రుక్షార్ ఎంతో ఎమోష‌న‌ల్ గా ఈ లేఖ‌ను రాసింది. ప్ర‌స్తుతం కుర్ర‌కారులో ఇది వైర‌ల్ గా మారింది.