'బచ్చల మల్లి' రొమాంటిక్ సాంగ్.. ఎలా ఉందంటే..

టాలీవుడ్ నటుడు అల్లరి నరేష్.. మాస్ యాక్షన్ మూవీ బచ్చల మల్లితో ప్రేక్షకుల ముందుకు వచ్చేందుకు సిద్ధమవుతున్న విషయం తెలిసిందే. సుబ్బు మంగాదేవి దర్శకత్వం వహిస్తున్న ఆ సినిమాలో అమృత అయ్యర్ హీరోయిన్‌ గా నటిస్తున్నారు. హాస్యా మూవీస్ బ్యానర్‌ పై రాజేశ్ దండా, బాలాజీ గుత్తా నిర్మిస్తున్నారు.

ఇప్పటికే బచ్చల మల్లి మూవీ షూటింగ్ పూర్తవ్వగా.. ప్రస్తుతం పోస్ట్ ప్రొడక్షన్ కార్యక్రమాలు జరుగుతున్నాయి. క్రిస్మస్ కానుకగా డిసెంబర్ 20వ తేదీన సినిమాను రిలీజ్ చేస్తున్నట్లు మేకర్స్ రీసెంట్ గా అనౌన్స్ చేశారు. అదే సమయంలో ప్రమోషన్స్ కూడా స్టార్ట్ చేశారు. వరుసగా అప్డేట్స్ తో సందడి చేస్తున్నారు. టీజర్ తో మంచి బజ్ క్రియేట్ చేశారు.

అయితే మ్యూజిక్ ప్రమోషన్స్ ను ఇప్పటికే స్టార్ట్ చేసిన మేకర్స్.. ఫస్ట్ సాంగ్ ను ఆల్రెడీ రిలీజ్ చేశారు. దానికి వచ్చిన రెస్పాన్స్ తో ఇప్పుడు సెకండ్ సింగిల్ ను విడుదల చేశారు. 'అదే నేను అసలు లేను' అంటూ సాగుతున్న రొమాంటిక్ అండ్ లవ్ సాంగ్ ను టాలీవుడ్ స్టార్ మ్యూజిక్ డైరెక్టర్ ఎస్ ఎస్ తమన్ రిలీజ్ చేశారు.

'నిలబడి నిద్ర పడుతుందని.. మత్తు ఒకటుందని..' అంటూ సాగుతున్న పాటను మెలోడీలకు పేరుగాంచిన స్వరకర్త విశాల్ చంద్రశేఖర్.. అద్భుతంగా కంపోజ్ చేశారు. డీసెంట్ అండ్ బ్యూటిఫుల్ బాణీలు సమకూర్చారు. కృష్ణకాంత్ అందించిన లిరిక్స్ చాలా బాగున్నాయి. ఎస్పీ చరణ్, రమ్య బెహరా తమ గాత్రంతో పాటకు ప్రాణం పోశారు.

ప్రస్తుతం బచ్చల మల్లి సెకండ్ సాంగ్ యూట్యూబ్‌ లో దూసుకుపోతుంది. సాంగ్ కచ్చితంగా చార్ట్ బస్టర్ గా నిలుస్తుందని మ్యూజిక్ లవర్స్ చెబుతున్నారు. పాట ప్రతి ఒక్కరినీ కచ్చితంగా మెప్పిస్తుందని అంటున్నారు. ప్రతి లిరిక్ అద్భుతంగా ఉందని.. ఎస్పీ చరణ్, రమ్య వాయిస్ మళ్లీ మళ్లీ వినాలనిపించేలా ఉందని చెబుతున్నారు.

సాంగ్ లో విజువల్స్ చాలా బాగున్నాయని కామెంట్లు పెడుతున్నారు. అల్లరి నరేష్, అమృత అయ్యర్ మధ్య కెమిస్ట్రీ బాగా కుదరిందని, హోమ్లీగా ఉందని అంటున్నారు. సాంగ్ తర్వాత సినిమాపై అంచనాలు పెరుగుతున్నాయని చెబుతున్నారు. మరి వచ్చే నెలలో విడుదల కానున్న బచ్చల మల్లి మూవీ ఎలాంటి హిట్ అవుతుందో వేచి చూడాలి.