గుబులు పుట్టిస్తున్న కపూర్ లేడీ
ఈ కపూర్ లేడీ పేరు ఇటీవ‌ల ఫిలింస‌ర్కిల్స్ లో ప్ర‌ముఖంగా వినిపిస్తోంది.
కపూర్ లేడీస్ సోన‌మ్ కపూర్, జాన్వీ కపూర్, ఖుషీ కపూర్ పేర్లు ఎక్కువ‌గా మీడియా హెడ్ లైన్స్ లో నిలుస్తున్నాయి. అప్పుడ‌ప్పుడు అర్జున్ కపూర్ సోద‌రి అన్షులా కపూర్ పేరు కూడా వినిపిస్తుంటుంది. అన్షులా జాన్వీకి సిస్ట‌ర్ అవుతుంది. బోనీ మొద‌టి భార్య కుమార్తె అన్షులా. వీళ్ల‌తో రిలేష‌న్ ప‌రంగా క‌రీనా కపూర్, వాణీ కపూర్ ఎలా ఒక‌రితో ఒక‌రు సంబంధం లేని వారో అలానే మ‌రో కపూర్ లేడీ కూడా బాలీవుడ్ లో న‌టిగా ఎదిగే ప్ర‌య‌త్నంలో ఉంది.
ఈ కపూర్ లేడీ పేరు ఇటీవ‌ల ఫిలింస‌ర్కిల్స్ లో ప్ర‌ముఖంగా వినిపిస్తోంది. బోనీక‌పూర్- అనీల్ కపూర్ ఫ్యామిలీకి సంబంధం లేని ఈ కపూర్ లేడీ ఆకాంక్ష రాంజన్ కపూర్. ఇటీవ‌లే సౌత్ లో అడుగుపెట్టింది ఈ బ్యూటీ. అది కూడా టాలీవుడ్ లో మొద‌టి అవ‌కాశం అందుకుంది. ఆకాంక్ష రాంజన్ 2020 నెట్‌ఫ్లిక్స్ ఇండియా చిత్రం గిల్టీతో అరంగేట్రం చేసింది. ఆ తర్వాత 2021 వెబ్ సిరీస్ 'రే' ..2022 నెట్‌ఫ్లిక్స్ ఇండియా చిత్రం 'మోనికా, ఓ మై డార్లింగ్‌`లో నటించి ఆక‌ట్టుకుంది. అటుపై సందీప్ కిష‌న్ స‌ర‌స‌న CV కుమార్ 'మాయ వన్`లో న‌టించింది. సివి కుమార్ 2017 చిత్రం మాయవన్‌కి ఇది సీక్వెల్.
ఈ సినిమాతో ఆకాంక్ష‌కు ఒదిగిందేమీ లేదు కానీ, తెలుగు ప‌రిశ్ర‌మ‌లో మ‌రిన్ని అవ‌కాశాల కోసం అవ‌స‌ర‌మైన క‌మ్యూనికేష‌న్ ని కొన‌సాగిస్తోంద‌ని స‌మాచారం. త్వ‌ర‌లోనే త‌దుప‌రి చిత్రాన్ని ప్ర‌క‌టించేందుకు ఈ భామ వేచి చూస్తోందిట. గత మూడు సంవత్సరాలలో త‌న జీవితం గురించి ప్ర‌స్థావిస్తూ.. స్నేహితులు, కలలు, ఆశలు, ఆకాంక్షలు, కృషి అంటూ ముందుకు సాగుతున్నాన‌ని ఆకాంక్ష తెలిపింది. నా కెరీర్‌లో ఇంత పెద్ద మైలురాళ్ళు ఉన్నాయి. ఇటీవ‌ల అంతా మారిపోయింది. చివరకు నేను ఎప్పుడూ కలలుగన్న జీవితాన్ని గడుపుతున్నాను.
నేను కూడా పెద్ద తెరపై అరంగేట్రం చేయడం ఆనందాన్నిస్తోంది అని వెల్ల‌డించింది. బాలీవుడ్ లో కపూర్ ఫ్యామిలీతో సంబంధం లేక‌పోయినా కానీ ఆకాంక్ష.. జాన్వీ, ఖుషీ, అన‌న్య లాంటి సెల‌బ్రిటీ కిడ్స్ కి అత్యంత క్లోజ్. ఆలియా త‌న‌కు బెస్ట్ ఫ్రెండ్. అందువ‌ల్ల త‌న‌కు అవ‌కాశాల ప‌రంగా స‌మ‌స్య‌లేమీ లేవని టాక్ వినిపిస్తోంది. ప్ర‌తిభే ఇక్క‌డ కొల‌మానం. ఆకాంక్ష ప్ర‌తిసారీ సోష‌ల్ మీడియాల్లో స్పెష‌ల్ ఫోటోషూట్ల‌తో విరుచుకుప‌డుతోంది. అలాంటి మ‌రో ఫోటోషూట్ తో ఇప్పుడు మ‌ళ్లీ హాట్ టాపిక్ గా మారింది. కపూర్ లేడీ పూల్ సైడ్ ట్రీట్ కి కుర్ర‌కారు ఫిదా అయిపోతున్నారు.