అఖిల్ కొత్త లుక్ చూసారా?

ఈ మధ్యకాలంలో యంగ్ హీరోలు డిఫరెంట్ క్యారెక్టర్స్ చేయడానికి ఎక్కువగా ఆసక్తి చూపిస్తున్నారు. ఒకప్పుడు కమర్షియల్ ఎంటర్టైనర్ కథలు మాత్రమే కోరుకునే హీరోలు ఇప్పుడు కొత్తదనం ఉన్న కంటెంట్ లకి పెద్దపీట వేస్తున్నారు. పబ్లిక్ కూడా థియేటర్స్ లో అలాంటి కథలు మాత్రమే చూడటానికి ఆసక్తి చూపిస్తున్నారనే క్లారిటీ యంగ్ హీరోలకి వచ్చింది.

అందుకే వారు ఆలోచనలు మార్చుకున్నారు. స్టార్ హీరోలు కూడా పాన్ ఇండియా రేంజ్ లో యూనివర్సల్ అప్పీల్ ఉన్న కథలనే చేయడానికి శ్రద్ధ చూపిస్తున్నారు. ఈ జాబితాలోనే అక్కినేని యువ హీరో అఖిల్ కూడా వచ్చినట్లు కనిపిస్తోంది. గత ఏడాది ఏజెంట్ మూవీతో కెరియర్ లోనే బిగ్గెస్ట్ డిజాస్టర్ చూశాడు. ఈ మూవీ తర్వాత కొత్త సినిమా కోసం చాలా గ్యాప్ తీసుకున్నారు.

యూవీ క్రియేషన్స్ లో అఖిల్ నెక్స్ట్ సినిమా చేయబోతున్నాడు. పీరియాడికల్ జోనర్ లో యాక్షన్ బ్యాక్ డ్రాప్ కథతో ఈ సినిమా ఉండబోతోందని తెలుస్తోంది. అనిల్ కుమార్ ఈ మూవీతో దర్శకుడిగా పరిచయం అవుతున్నాడు. ఈ చిత్రంలో అఖిల్ డిఫరెంట్ లుక్ లో కనిపించబోతున్నాడని గతంలోనే టాక్ బయటకొచ్చింది. తాజాగా అఖిల్ ఓ ఈవెంట్ అటెండ్ అయ్యాడు.

అస్సలు గుర్తుపట్టలేని విధంగా ప్రస్తుతం అఖిల్ లుక్ ఉండటం విశేషం. లాంగ్ హెయిర్, గుబురు గడ్డంతో రెట్రో స్టైల్ హీరోలా అఖిల్ ఈ లుక్ లో ఉన్నాడనే మాట వినిపిస్తోంది. డార్క్ బ్లూ కలర్ కాస్ట్యూమ్స్, దానిపై బ్లాక్ కళ్ళజోడుతో హాలీవుడ్ హీరోల తరహాలో అతని ఆహార్యం కనిపిస్తోంది. కొత్త మూవీలో క్యారెక్టర్ మేకోవర్ కోసం అఖిల్ ఏ స్థాయిలో ఫోకస్ చేసాడనేది ఈ లుక్ బట్టి అర్ధమవుతోంది.

అందుకే మీడియాకి కూడా దూరంగా ఉంటున్నాడు. ఈ లుక్ లో అఖిల్ లో చాలా ట్రాన్స్ ఫర్మేషన్ కనిపిస్తోంది. గత సినిమాలలో టీనేజ్ కుర్రాడిగా కనిపించిన అఖిల్ ని ఈ లుక్ పూర్తిగా మార్చేసింది. లుక్ పరంగా ఇప్పటికే అఖిల్ రెడీ అయిపోవడంతో త్వరలో మూవీకి సంబందించిన అప్డేట్ వచ్చే అవకాశాలు ఉన్నాయనే మాట వినిపిస్తోంది. ఏజెంట్ డిజాస్టర్ తర్వాత లాంగ్ గ్యాప్ తీసుకొని పెర్ఫెక్ట్ స్క్రిప్ట్ తో అఖిల్ ఈ కొత్త మూవీ చేస్తున్నాడు. మూవీ క్రియేషన్స్ ఈ సినిమాని 100 కోట్లతో నిర్మించబోతున్నారంట.