పుష్ప 2 ఆమె వెరీ స్పెషల్ అటగా..?

పుష్ప 2 సినిమా పై ఇప్పటికే ఉన్న బజ్ చాలదు అన్నట్టుగా లేటెస్ట్ గా అన్ స్టాపబుల్ షోలో చాలా హింట్లే ఇచ్చేశాడు పుష్ప రాజ్ అదే మన అల్లు అర్జున్. సినిమాలో తనకు ఆ జాతర గెటప్ కోసం చాలా కష్టపడాల్సి వచ్చిందన్న విషయాన్ని వెల్లడించిన అల్లు అర్జున్ సినిమా లో రష్మిక పాత్ర కూడా అదిరిపోతుందని అన్నాడు. బాలకృష్ణకు రష్మిక అంటే చాలా ఇష్టం అందుకే ఆయనకు చెబుతూ సినిమాలో రష్మిక ను చూసి పండగ చేసుకుంటారని అన్నాడు.

అంటే పుష్ప 2 లో రష్మికని ఫుల్లుగా వాడేసినట్టు అర్థమవుతుంది. సినిమాలో రష్మిక శ్రీవల్లి పాత్రలో నటిస్తుంది. పుష్ప 1లో ఆల్రెడీ ఆమె పాత్రకు చాలా మంది ప్రశంసలు వచ్చాయి. ఇక ఇప్పుడు పార్ట్ 2లో కూడా దానికి మించి వచ్చేస్తాయని చెప్పొచ్చు. పుష్ప 2 సినిమా విషయంలో సుకుమార్ ప్రతి ఒక్కటి చాలా జాగ్రత్తగా ప్లాన్ చేస్తున్నాడు. రష్మిక ఫ్యాన్స్ అంతా కూడా సాటిస్ఫై అయ్యేలా ఆమె టాలెంట్ ని వాడుకున్నట్టు తెలుస్తుంది.

అన్ స్టాపబుల్ షోలో రష్మిక గురించి అల్లు అర్జున్ స్పెసిఫిక్ గా ప్రస్తావించాడు అంటే సినిమాలో అమ్మడి రోల్ నెక్స్ట్ లెవెల్ అని చెప్పొచ్చు. ఇక మరోపక్క సినిమాలో శ్రీలీల కిసిక్ సాంగ్ కూడా మాస్ ఆడియన్స్ కు బాగా ఎక్కేస్తుందని అంటున్నారు. పుష్ప 1 లో ఉ అంటావా సాంగ్ ఎంత పెద్ద బ్లాక్ బస్టర్ అయ్యిందో తెలిసిందే. అదే క్రమంలో ఈ కిసిక్ సాంగ్ ని కూడా ప్లాన్ చేస్తున్నారు. శ్రీలీల డ్యాన్స్ లు అదరగొట్టేస్తుంది. కాబట్టి అమ్మడు ఈ సాంగ్ లో దుమ్ము దులిపేస్తుందని చెప్పొచ్చు.

అల్లు అర్జున్ పుష్ప 2 తో భారీ రికార్డులు టార్గెట్ పెట్టుకున్నాడు. సినిమాలో చాలా సర్ ప్రైజ్ లు ఉన్నాయని తెలుస్తుంది. దేవి కూడా తన మ్యూజిక్ తో పుష్ప 2 కి కావాల్సినంత హైప్ ఎక్కిస్తున్నాడు. డిసెంబర్ 5న రిలీజ్ కాబోతున్న పుష్ప 2 సంచలనానికి కేరాఫ్ అడ్రస్ గా మారనుంది. మరి సినిమా ఎలా ఉంటుందో చూడాలి. పుష్ప 2 సినిమాకు సౌత్ నుంచే కాదు నార్త్ సైడ్ కూడా భారీ క్రేజ్ ఏర్పడింది. ఈమధ్యనే జరిగిన ట్రైలర్ రిలీజ్ ఈవెంట్ లో సినిమాపై ఉన్న క్రేజ్ ఎలాంటిదో తెలిసింది. ఆ అంచనాలను మరింత పెచేలా నెక్స్ట్ చెన్నై, కొచ్చి, బెంగళూరు ఇలా నేషనల్ వైడ్ గా పుష్ప మేనియా కొనసాగేలా ప్లాన్ చేస్తున్నారు.