మాలీవుడ్ అభిమానుల‌కు బన్నీ ఊహించ‌ని సర్ ప్రైజ్!
`పుష్ప-2` ప్ర‌చారంలో భాగంగా ఐకాన్ స్టార్ అల్లు అర్జున్ ఇండియా మొత్తం చుట్టేస్తోన్న సంగ‌తి తెలిసిందే.
`పుష్ప-2` ప్ర‌చారంలో భాగంగా ఐకాన్ స్టార్ అల్లు అర్జున్ ఇండియా మొత్తం చుట్టేస్తోన్న సంగ‌తి తెలిసిందే. బన్నీ ఎక్క‌డ ఈవెంట్ చేసినా? అక్క‌డ‌కు అభిమానులు భారీ ఎత్తున త‌ర‌లి వ‌స్తున్నారు. బ‌న్నీకున్న ఫ్యాన్ ఫాలోయింగ్ చూస్తే తెలుగు అభిమానుల‌కు మ‌తి పోతుంది. మ‌న‌ల్ని మించిన డైహార్డ్ అభిమానుల్లా ఉన్నారే? అంటూ మాట్లాడుకుంటున్నారు. పాట్నా, చెన్నైలో నిర్వ‌హించిన వేడుక‌ల‌కు ఏ రేంజ్ లో అభిమానులొచ్చారో తెలిసిందే.
తాజాగా కొచ్చిలో కూడా ఈవెంట్ నిర్వ‌హించిన సంగ‌తి తెలిసిందే. ఈ సంద‌ర్భంగా దేశ వ్యాప్తంగా ఉన్న అభిమానుల‌కు బన్నీ ఓ పెద్ద ప్రామిస్ చేసాడు. ఇక‌పై ఎక్కువ విరామం లేకుండా వ‌రుస‌గా సినిమాలు చేసి అల‌రిస్తాన్నారు. 20 ఏళ్ల‌గా త‌న‌పై చూపిస్తోన్న ప్రేమ‌కు కృత‌జ్ఞ‌త‌లు తెలిపారు. మ‌ల‌యాళ ప్రేక్ష‌కుల‌కు ఏదైనా సర్ ప్రైజ్ ఇవ్వాల‌నే ఉద్దేశంతో ఓ పాట అన్ని భాష‌ల్లోనూ మ‌ల‌యాళ లిరిక్స్ తోనే ప్రారంభ‌మ‌య్యేలా సిద్దం చేసామ‌న్నారు.
`ఫీలింగ్స్` అంటూ సాగే ఆ పాట ప్లే చేసారు. పుష్ప మొద‌టి భాగంలో పెద్ద‌గా డాన్సు చేసే ఛాన్సు లేద‌ని..కానీ ఆ లోటు ఈ పాట‌తో తీరుతుంద‌న్నారు. మొత్తానికి మ‌ల‌యాళ అభిమానులుపై బన్నీ ఈ ర‌కంగా ప్ర‌త్యేక ప్రేమ‌ను చాటుకున్నారు. బ‌న్నీకి ఇత‌ర భాష‌ల నుంచి భారీగా అభిమానులు ఉన్నారు? అంటే అది కేర‌ళ నుంచి అన్న సంగ‌తి తెలిసిందే. అక్క‌డ ఆయ‌న‌కు డైహార్డ్ ఫ్యాన్స్ ఉన్నారు. ఆయ‌న పాన్ ఇండియా స్టార్ కాక ముందే ఆయ‌న సినిమాల‌న్నీ మ‌ల‌యాళంలో భారీ ఎత్తున రిలీజ్ అయ్యేవి.
చాలా సినిమాలు అక్క‌డ మంచి విజ‌యాలు సాధించాయి. అలా బ‌న్నీకి అక్క‌డ ఫాలోయింగ్ పెరిగింది. కేర‌ళ‌లో ఏవైనా విప‌త్తులు సంబవించిన స‌మ‌యంలో టాలీవుడ్ నుంచి తొలుత స్పందించేది కూడా బ‌న్నీనే. త‌న నుంచి భారీ విరాళం ప్ర‌క‌టిస్తుంటారు. ఇటీవ‌ల వ‌యోనాడ్ ఘ‌ట‌న‌పై కూడా బన్నీ త‌న స‌హాయాన్ని అందించిన సంగ‌తి తెలిసిందే. బన్నీ త‌ర్వాత అక్క‌డ ఆ రేంజ్ ఫాలోయింగ్ ఎన్టీఆర్ కు ఉంది.