పుష్ప 2 - బుక్ మై షో బ్లాస్ట్ అయ్యిందిగా..

ఐకాన్ స్టార్ అల్లు అర్జున్ ‘పుష్ప 2’ మూవీ బ్లాక్ బస్టర్ హిట్ అందుకొని ప్రపంచ వ్యాప్తంగా రికార్డ్ కలెక్షన్స్ తో దూసుకుపోతోంది. ఎవ్వరు అందుకోలేని హైట్స్ ని పుష్ప 2తో అల్లు అర్జున్ అందుకుంటున్నాడు. ఈ సినిమాకి నార్త్ లో ఆడియన్స్ బ్రహ్మరథం పట్టారు. ఇప్పటికి ఈ చిత్రానికి డీసెంట్ వసూళ్లు అక్కడ వస్తున్నాయి. ఇదిలా ఉంటే ఈ సినిమా ఖాతాలో వరుసగా రికార్డులు వచ్చి పడుతున్నాయి.

ఇప్పటికే వరల్డ్ వైడ్ గా థర్డ్ హైయెస్ట్ కలెక్షన్స్ అందుకున్న ఇండియన్ మూవీగా ఈ చిత్రం గుర్తింపు తెచ్చుకుంది. అలాగే హిందీలో కలెక్షన్స్ పరంగా నెంబర్ వన్ స్థానాన్ని ఈ చిత్రం కైవసం చేసుకుంది. ఇండియాలో ‘ఆర్ఆర్ఆర్’ తర్వాత అత్యధిక కలెక్షన్స్ అందుకున్న చిత్రంగా ‘పుష్ప 2’ నిలిచింది. ‘బాహుబలి 2’ పేరు మీద ఉన్న రికార్డ్ ని ఈ చిత్రం బ్రేక్ చేసింది. ఓవర్సీస్ మార్కెట్ లో కూడా భారీ కలెక్షన్స్ ని ఈ చిత్రం కొల్లగొట్టడం విశేషం.

2024లో బిగ్గెస్ట్ బాక్సాఫీస్ సక్సెస్ గా ఈ మూవీ నిలిచింది. ఇదిలా ఉంటే ‘పుష్ప 2’ ఖాతాలో మరో రికార్డ్ కూడా చేరింది. బుక్ మై షోలో అత్యధిక టికెట్లు అమ్ముడైన ఏకైక ఇండియన్ సినిమాగా చరిత్ర సృష్టించింది. ఏకంగా 18 మిలియన్ టికెట్లని బుక్ మై షో ద్వారా ఈ సినిమా కోసం బుక్ చేసుకున్నారని మేకర్స్ అఫీషియల్ గా ప్రకటించారు. అలాగే ఈ సినిమా 1700 కోట్ల గ్రాస్ కలెక్షన్స్ ని కూడా క్రాస్ చేసినట్లు టాక్ వినిపిస్తోంది.

అదే జరిగితే ‘బాహుబలి 2’ కలెక్షన్స్ కి ఇంకా 120 కోట్ల దూరంలోనే ఉందని అర్ధమవుతోంది. ఆ సినిమా ఓవరాల్ కలెక్షన్స్ రికార్డ్ ని ఈ చిత్రం బ్రేక్ చేస్తే తరువాత దంగల్ ని కూడా క్రాస్ చేసే ఛాన్స్ ఉందనే మాట వినిపిస్తోంది. ఈ చిత్రాన్ని తరువాత జపాన్, చైనా భాషలలో కూడా రిలీజ్ చేసే ప్లానింగ్ లో మేకర్స్ ఉన్నారు. ఈ మధ్యకాలంలో ఇండియన్ సినిమాలని అక్కడి ఆడియన్స్ ఆదరిస్తున్నారు.

జపాన్, చైనా ప్రేక్షకులని ఈ సినిమా ఎట్రాక్ట్ చేస్తే ఓవరాల్ గా 2000 కోట్ల మార్క్ ని దాటిన ఆశ్చర్యపోవాల్సిన అవసరం లేదని ట్రేడ్ పండితులు అంటున్నారు. అల్లు అర్జున్ కెరియర్ లోనే సరికొత్త శకానికి ‘పుష్ప 2’ చిత్రం నాంది పలికిందని ఈ కలెక్షన్స్ ద్వారా అర్ధమవుతోంది. మరి ఈ మూవీ జోరు ఇంకెన్ని రోజులు కొనసాగుతుందనేది ఇప్పుడు ఆసక్తికరంగా మారింది.