థాంక్యూ బీహార్.. థాంక్యూ పాట్నా.. బీహార్‌లో అల్లు పాగా!
నేను పాట్నాకు వచ్చినప్పుడల్లా మీరు నాపై చూపించే ప్రేమ.. ఘన స్వాగతం నేను ఎప్పటికీ మరచిపోలేను. మీ ప్రేమ ఆప్యాయతకు చాలా ధన్యవాదాలు'' అన్నాడు బ‌న్ని.
ఐకాన్ స్టార్ అల్లు అర్జున్ స్టార్మ్ ఎలా ఉంటుందో పాట్నాలోని ట్రైల‌ర్ ఈవెంట్ నిరూపించింది. పుష్ప 2 కోసం ఉత్త‌రాది ఆడియెన్ ఎంత‌గా త‌హ‌త‌హ‌లాడుతున్నారో కూడా నేటి సాయంత్రం పాట్నాలో జ‌రిగిన ఈవెంట్ స్ప‌ష్ఠం చేసింది. బ‌న్ని ఈ వేదిక వ‌ద్ద‌కు ప్ర‌వేశించేప్పుడు భారీగా అభిమానులు అత‌డికి అభివాదం చేయ‌డం క‌నిపించింది. అత‌డు తన అభిమానులకు హృదయపూర్వక కృతజ్ఞతలు తెలిపారు. భారీగా గుమిగూడిన ప్రేక్షకులతో మాట్లాడుతూ అత‌డు కృత‌జ్ఞ‌తాభావాన్ని వ్య‌క్తం చేసాడు. పుష్ప 1 విష‌యంలో బీహార్ ప్రజల నిరంతర ప్రేమ, మద్దతుకు ధన్యవాదాలు..అని అన్నారు.
పాట్నాను సందర్శించిన ప్రతిసారీ తనకు లభించిన అద్భుతమైన ఆదరణ గురించి బ‌న్ని ప్ర‌స్థావించాడు. నేను పాట్నాకు వచ్చినప్పుడల్లా మీరు నాపై చూపించే ప్రేమ.. ఘన స్వాగతం నేను ఎప్పటికీ మరచిపోలేను. మీ ప్రేమ ఆప్యాయతకు చాలా ధన్యవాదాలు'' అన్నాడు బ‌న్ని. పుష్ప బీహార్ లో ఘ‌న‌విజ‌యం సాధించినందుకు అత‌డు కృతజ్ఞతలు తెలియ‌జేసాడు. గత మూడేళ్లుగా ఈ చిత్రం అత్యంత ప్రతిష్టాత్మకంగా మారింది. పుష్ప వ‌ల్ల‌నే ఇదంతా.. మీ సపోర్ట్ వల్లే ఇదంతా.. ఈ విజయం నాది కాదు. ఇదంతా అభిమానులైన మీ వల్లే.. అని బ‌న్ని అన్నాడు. ఈ ప్రయాణంలో భాగమైన ప్రతి ఒక్కరికీ నా కృతజ్ఞతలు తెలియజేస్తున్నాను అని పుష్ప టీమ్ కి ధన్యవాదాలు తెలిపాడు.
పుష్ప 2 డిసెంబర్ 5న గ్రాండ్ రిలీజ్ కానుంది. ఈ చిత్రం తప్పకుండా అందరికీ నచ్చుతుంది. మంచి విజయం సాధిస్తుందనే నమ్మకం ఉంది అని అల్లు అర్జున్ పాట్నా ప్ర‌చారంలో అన్నారు. ఐకానిక్ పుష్ప డైలాగ్ ని చెప్పాల్సిందిగా అభిమానులు కోర‌గా..పుష్ప అంటే పువ్వు అనుకున్నారా? కాదు ... ఫైరు! అంటూ డైలాగ్ చెప్పారు. ఈ వేడుక ఘ‌నంగా జ‌ర‌గ‌డానికి స‌హ‌క‌రించిన పోలీసు సిబ్బందికి బ‌న్ని కృతజ్ఞతలు తెలిపారు.