నా సక్సెస్ చెన్నైకి అంకితమిస్తా - అల్లు అర్జున్

ఐకాన్ స్టార్ అల్లు అర్జున్ మోస్ట్ అవైటెడ్ మూవీ ‘పుష్ప 2’ మెగా ప్రమోషనల్ ఈవెంట్ తాజాగా చెన్నైలో జరిగింది. ఈ ఈవెంట్ లో మూవీలోని ఐటెం సాంగ్ ని కూడా గ్రాండ్ గా రిలీజ్ చేశారు. కిస్సాక్ అంటూ సాగే ఈ సాంగ్ కి శ్రీలీల స్టెప్పులు వేసింది. ఇదిలా ఉంటే ఈ మెగా ఈవెంట్ లో ఐకాన్ స్టార్ అల్లు అర్జున్ చేసిన కామెంట్స్ తమిళనాడు ప్రేక్షకులని ఆకట్టుకున్నాయనే మాట వినిపిస్తోంది.

ఈ ఈవెంట్ లో అల్లు అర్జున్ మాట్లాడుతూ నా మొదటి 20 ఏళ్ళు చెన్నైలోనే గడిచాయి. అందుకే నా లైఫ్ లో ఇప్పటి వరకు ఎన్ని అచీవ్ మెంట్స్ సాధించానో అవన్నీ కూడా చెన్నైకి అంకితమిస్తున్నాను. నేను ఏమి నేర్చుకున్న అది ఈ నేలపైనే. నేను ఒక సాదా సీదా టీ-నగర్ కుర్రాడిని. ఇప్పటికి తమిళనాడు ఫ్రెండ్స్ తో సరదాగా మాట్లాడుకుంటాం. పుష్ప 2 ద్వారా వైల్డ్ ఫైర్ ఎలా ఉంటుందో చూపించడానికి మూడేళ్లు కష్టపడ్డాను. దానిని త్వరలో థియేటర్స్ లో చూడబోతున్నారు.

నాకు దేవిశ్రీ ప్రసాద్ మ్యూజిక్ డైరెక్టర్ గా కంటే మంచి ఫ్రెండ్. అతను అందరికి మ్యూజిక్ మాత్రమే ఇస్తాడు. నన్ను మ్యూజిక్ తో పాటు ప్రేమని కూడా ఇస్తాడు. నా జర్నీలో దేవిశ్రీ ప్రసాద్ కూడా ఒక భాగం. ఈ విషయంలో దేవిశ్రీ ప్రసాద్ కి ప్రత్యేకంగా కృతజ్ఞతలు తెలుపుకుంటున్నాను. రష్మికతో కలిసి నాలుగేళ్లుగా వర్క్ చేస్తున్నాను. ఎక్కడికి వెళ్లిన ముందు రష్మికనే గుర్తుకొస్తుంది. ఆమె కాదని ముందుగా నిర్ధారించుకోవాల్సి వస్తుందని బన్నీ సరదాగా కామెంట్స్ చేశాడు.

అలాగే శ్రీలీలతో ఈ ఐటెం సాంగ్ కోసం డాన్స్ చేయాలన్నప్పుడు ఫస్ట్ టైం కొంత అలెర్ట్ అయ్యాను. ఆమెతో పోటీ పడాలంటే జాగ్రత్తగా చేయాలని ఫిక్స్ అయ్యాను. మా ఇద్దరి డాన్స్ ఏ రేంజ్ లో ఉండబోతోందో స్క్రీన్ పై చూసి ఆస్వాదించండి. సుకుమార్ ‘ఆర్య’ అనే సినిమా చేసి ఉండకపోతే ఈ రోజు అల్లు అర్జున్ అనేవాడు ఈ స్టేజ్ మీద నిలబడేవాడు కాదు. ఆయన ఇక్కడ లేడంటే కచ్చితంగా ‘పుష్ప 2’ వర్క్ చేస్తున్నట్లే అని సుకుమార్ గురించి బన్నీ చెప్పుకొచ్చారు.

నాకు నా ఫ్యాన్స్ అంటే అభిమానం. వారికోసం ఏదైనా చేస్తానంటూ అల్లు అర్జున్ చెప్పుకొచ్చాడు. అలాగే తమిళంలో ఫస్ట్ డే ఫస్ట్ షో సూపర్ స్టార్ రజినీకాంత్ తో సినిమా చూస్తానని యాంకర్ అడిగిన ప్రశ్నకి అల్లు అర్జున్ సమాధానం ఇచ్చారు. ఇలా బన్నీ చెన్నై ఈవెంట్ లో ఓ వైపు తమిళ్ ఆడియన్స్ కి కనెక్ట్ అయ్యే విధంగా కీలకమైన వ్యాఖ్యలు చేసి, సినిమా గురించి చెప్పి మూవీపైన తమిళనాట హైప్ క్రియేట్ చేశాడు. కచ్చితంగా ఇది ‘పుష్ప 2’ మూవీ ఓపెనింగ్ కి ప్లస్ అవుతుందనే టాక్ వినిపిస్తోంది.