పుష్పరాజ్ గొడ్డలి ఎత్తుకెళ్లిన అల్లు అయాన్..!
స్నేహా షేర్ చేసిన ఈ పోస్ట్‌ ను అల్లు అర్జున్ రీ పోస్ట్‌ చేసి.. అయాన్, నువ్వు ఎప్పుడు నా గొడ్డలిని ఎత్తుకు వెళ్లావు అంటూ సరదాగా పోస్ట్‌ చేశాడు.
అల్లు అర్జున్ కెరీర్‌లోనే కాకుండా టాలీవుడ్ చరిత్రలోనూ ఎప్పటికి నిలిచి పోయే సినిమా 'పుష్ప' అనడంలో సందేహం లేదు. సుకుమార్‌ పుష్ప ను తెరకెక్కించిన తీరు ప్రతి ఒక్కరిని అలరించింది. పుష్ప పార్ట్‌ 1 బ్లాక్ బస్టర్‌ విజయాన్ని సొంతం చేసుకున్న నేపథ్యంలో వెయ్యి కోట్ల వసూళ్ల టార్గెట్‌ తో పుష్ప 2 ను దర్శకుడు సుకుమార్‌ రూపొందిస్తున్నారు. ఈ సినిమా షూటింగ్‌ పూర్తి కాకుండానే సినిమాకు అన్ని ఏరియాల్లోనూ బిజినెస్ క్లోజ్ అయింది. థియేట్రికల్‌, నాన్‌ థియేట్రికల్‌ బిజినెస్ కలిసి మొత్తంగా రూ.1500 కోట్ల వరకు చేసినట్లు తెలుస్తోంది. నిర్మాతలకు భారీ లాభాలను పుష్ప 2 తీసుకు వచ్చిందని సమాచారం అందుతోంది.
పుష్ప 2 సినిమా షూటింగ్‌ లో బిజీగా ఉన్న అల్లు అర్జున్ తన గొడ్డలిని ఎత్తుకు వెళ్లాడు అంటూ అయాన్ గురించి షేర్ చేసిన ఒక పోస్ట్‌ ప్రస్తుతం సోషల్‌ మీడియాలో వైరల్‌ అవుతోంది. అమెరికాతో పాటు ఇతర పాశ్చాత్య దేశాల్లో ఎక్కువగా పాటించే హాలోవీన్ డే ని టాలీవుడ్ సెలబ్రిటీలు సైతం పాటిస్తూ ఉంటారు. తాజాగా హాలోవీన్ డే సందర్భంగా అల్లు అర్జున్, స్నేహా ల పిల్లలు అల్లు అయాన్, అర్హ లు దెయ్యాల వేశంలో కనిపించారు. అల్లు అర్హ క్యూట్‌ దెయ్యంగా కనిపించగా, అయాన్ మాత్రం చాలా రాక్షసమైన ఆకారంలో కనిపించారు. అయితే అయాన్ చేతిలో మాత్రం పుష్పరాజ్ గొడ్డలి కనిపించింది.
స్నేహా షేర్ చేసిన ఈ పోస్ట్‌ ను అల్లు అర్జున్ రీ పోస్ట్‌ చేసి.. అయాన్, నువ్వు ఎప్పుడు నా గొడ్డలిని ఎత్తుకు వెళ్లావు అంటూ సరదాగా పోస్ట్‌ చేశాడు. అల్లు అయాన్ చేతిలో పుష్ప రాజ్ గొడ్డలి చూస్తూ ఉంటే బాగుందని కొందరు కామెంట్స్ చేస్తూ ఉన్నారు. మొత్తానికి స్నేహా షేర్ చేసిన ఈ ఫోటోను అల్లు అర్జున్ రీ పోస్ట్‌ చేయడం వల్ల మరింతగా అందరి దృష్టికి చేరింది. అల్లు అయాన్, అర్హ ఏం చేసినా సోషల్‌ మీడియాలో వైరల్‌ అవ్వడం మనం చూస్తూ ఉటాం. ఈసారి హాలోవీన్ డే సందర్భంగా వీరి ఔట్‌ ఫిట్‌ లుక్ తో వైరల్‌ అవుతున్నారు. ముందు ముందు వీరు ఇలాగే సోషల్‌ మీడియాలో సందడి చేయాలని అభిమానులు కోరుకుంటున్నారు.
ఇక అల్లు అర్జున్ పుష్ప 2 సినిమా విషయానికి వస్తే వచ్చే నెల రెండో వారంతో షూటింగ్‌ పూర్తి అవ్వబోతుంది. సుకుమార్‌ ఈ సినిమా కోసం బాలీవుడ్‌ స్టార్ హీరోయిన్‌ను ఐటం సాంగ్‌ కోసం తీసుకు రాబోతున్నాడట. ఆమె ఎవరు అనేది అతి త్వరలోనే అధికారికంగా ప్రకటన వచ్చే అవకాశాలు ఉన్నాయి. పుష్ప 2 నుంచి ఇటీవల వచ్చిన ప్రోమో, పోస్టర్‌ సినిమాపై అంచనాలు పెంచుతూనే ఉంది. రూ.1500 కోట్ల వసూళ్లు నమోదు చేయడం ఖాయం అంటూ ఫ్యాన్స్ చాలా నమ్మకంతో ఉన్నారు. రష్మిక మందన్న హీరోయిన్‌గా నటిస్తున్న పుష్ప 2 లో మలయాళ స్టార్ నటుడు ఫహద్‌ ఫాసిల్‌ కీలక పాత్రలో నటిస్తున్నాడు. సినిమాలో అల్లు అర్జున్ లేడీ గెటప్‌, జాతర ఎపిసోడ్స్ కి ఫ్యాన్స్ కి పూనకాలు రావడం ఖాయం అంటూ యూనిట్‌ సభ్యులు బలంగా చెబుతున్నారు. డిసెంబర్‌ 5న ఈ సినిమా రాబోతుంది.