బేబీతో ఇచ్చిపడేశాడు..

రౌడీ స్టార్ విజయ్ దేవరకొండ తమ్ముడుగా టాలీవుడ్ లోకి ఆనంద్ దేవరకొండ అడుగుపెట్టాడు. దొరసాని సినిమాతో హీరోగా ఎంట్రీ ఇచ్చిన ఈ టాలెంటెడ్ యాక్టర్ మొదటి సినిమాతోనే హిట్ కొట్టాడు. లవ్ స్టొరీతో వచ్చిన ఆ సినిమాలో ఆనంద్ దేవరకొండ అద్భుతమైన పెర్ఫార్మెన్స్ ఏమీ చేయలేదు. కంటెంట్ కూడా ప్రేక్షకులకి కనెక్ట్ కాలేదు. దీంతో ఆ సినిమా డిజాస్టర్ గా నిలిచింది.

తరువాత మిడిల్ క్లాస్ మెలోడీస్ ఓటీటీలో విడుదలవ్వగా దానికి మాత్రం మంచి రెస్పాన్స్ వచ్చింది. పుష్పక విమానం, హైవే సినిమాలతో ప్రేక్షకుల ముందుకి వచ్చారు. ఆ రెండు సినిమాలు ఆనంద్ కి ఆశించిన స్థాయిలో సక్సెస్ ఇవ్వలేదు.

నటన పరంగా కూడా ఒకేరకమైన డైలాగ్ డెలివరీ, ఎక్స్ ప్రెషన్స్ ఉంటాయనే విమర్శలు ఎదుర్కొన్నాడు. కేవలం విజయ్ దేవరకొండ తమ్ముడు అనే ఇమేజ్ తోనే ఆనంద్ కి అవకాశాలు వస్తుననయనే ప్రచారం తెరపైకి వచ్చింది.

తాజాగా సాయి రాజేష్ దర్శకత్వంలో వచ్చిన బేబీ మూవీలో ఆనంద్ దేవరకొండ నటించాడు. ఈ మూవీ థియేటర్స్ లోకి వచ్చి పాజిటివ్ టాక్ సొంతం చేసుకుంది. ఇక ఈ సినిమాతో ఆనంద్ తన మీద ఉన్న విమర్శలకి ఫుల్ స్టాప్ పెట్టాడనే చెప్పాలి. 10వ తరగతిలో అమ్మాయిని ప్రేమించే యువకుడిగా, తరువాత ఆటో డ్రైవర్ గా మారిన కుర్రాడిగా భిన్నమైన షేడ్స్ లో తన పాత్రలో చూపించాడు.

ఓ విధంగా చెప్పాలంటే మిగిలిన అన్ని సినిమాలలో కంటే మెచ్యూర్ పెర్ఫార్మెన్స్ తో ఈ సినిమాలో ఆనంద్ దేవరకొండ మెప్పించాడని చెప్పాలి. ముఖ్యంగా ఎమోషనల్ సీన్స్ తో ఎంతగానో మెప్పించాడు. ఇక మంచి నటుడిగా సినిమాలోని తన పాత్రకి ఆనంద్ న్యాయం చేశారు. ఈ మూవీతో తనపై ఉన్న అన్ని విమర్శలకి ఫుల్ స్టాప్ పెట్టాడని చెప్పొచ్చు. విమర్శకుల ప్రశంసలుని సైతం ఆనంద్ దేవరకొండ తన పెర్ఫార్మెన్స్ తో సొంతం చేసుకున్నారు.

ఇదిలా ఉంటే ఇప్పుడు బేబీ సినిమా మౌత్ టాక్ తో ఆడియన్స్ కి భాగా చేరువ అవుతుంది. ఈ వీకెండ్ లోనే బ్రేక్ ఎవెన్ అందుకునే అవకాశం ఉందని ట్రేడ్ పండితులు చెబుతున్నారు. విజయ్ దేవరకొండ తన తమ్ముడు పెర్ఫార్మెన్స్ కి ఫిదా అయిపోయి, వైష్ణవి చైతన్యతో పాటు ఆనంద్ ని ఇన్వైట్ చేసి వారికి కంగ్రాట్స్ చెప్పడం విశేషం.