యాంగ్రీ యంగ్ మెన్ గా అల్లు అర్జున్

లుక్, స్టైలింగ్ విషయంలో అల్లు అర్జున్ కి పోటీ ఇచ్చేవాళ్లు దరిదాపుల్లో కూడా కనిపించడం లేదు. జులాయిలో అల్లరి చిల్లరిగా, ఇద్దరమ్మాయిలతో లవర్ బోయ్ గా, సన్నాఫ్ సత్యమూర్తిలో కుటుంబ బాధ్యతలు మోసే వ్యక్తిగా.. కేరక్టర్ తగ్గట్టు గెటప్స్ మార్చేస్తాడు బన్నీ. ఇప్పుడు బోయపాటి శ్రీను డైరెక్షన్ లో వస్తున్న మూవీలోనూ కొత్త లుక్ తో అదరగొట్టబోతున్నాడట.

ఈసారి మనోడు యాంగ్రీ యంగ్ మ్యాన్ మరి. ముఖ్యంగా కొత్త గెటప్ జనాలకి థ్రిల్ ఇస్తుందని యూనిట్ వర్గాలు అంటున్నాయి. ప్రతీసారీ ఆకతాయిగా కనిపించే బన్నీ ఈ సారి కాస్త సీరియస్‌ గెటప్‌ తో రక్తికట్టిస్తాడని ఓ టాక్‌. అప్పట్లో రుస్తుం వంటి సినిమాలో చిరంజీవి చేసిన సీరియస్‌ యాక్షన్‌ ఈ సినిమాలో బన్నీ పండిస్తాడట. ఇకపోతే సినిమాలో రొమన్స్‌ కు కూడా ఏమాత్రం కొదవ లేదు. మొదటిసారిగా రొమాన్స్ కి ప్రాధాన్యత ఉండేలా జాగ్రత్త పడుతున్నాడు బోయపాటి.  తన మార్క్ లోనే యాక్షన్ ఎపిసోడ్స్ ఫుల్లుగా ఉన్నా.. బన్నీ మార్కులో రొమాన్స్‌ కూడా అదురుతుందట. ఇదొక సీరియస్‌ లవ్‌ స్టోరీ అని మరో టాక్‌.

ఈ సినిమా షూటింగ్ హైద్రాబాద్ పరిసరాల్లో జరుగుతోంది. ఈ మూవీ సమస్యల్లో చిక్కుకుందనే వార్తలన్నీ రూమర్సే అని..  తాజా షెడ్యూల్ తో తేలిపోయింది.తాజాగా రకుల్ ప్రీత్ సింగ్ కూడా యూనిట్ కు జతైంది. అంటే రొమాన్స్ మొదలైందన్నమాటే. మరో హీరోయిన్ కేథరిన్ థెరెసాతో కూడా రొమాంటిక్ సీన్స్ చాలా ఉంటాయట. థమన్ మ్యూజిక్ అందిస్తున్న ఈ మూవీ.. షూటింగ్ మాత్రం జెట్ స్పీడ్ లో ఉంది.