రామ్ నుంచి మ‌రో మాస్ మూవీ.. డైరెక్ట‌ర్ అత‌డే!

టాలీవుడ్లో హీరో ఎలాంటి క‌థ‌తో ఎంట్రీ ఇచ్చినా ఫ‌ర్వాలేదు.. ఎస్టాబ్లిష్ అవ్వాలంటే మాత్రం మాస్ బాస్ అనిపించుకోవాల్సిందే. అందుకే.. ల‌వ‌ర్ బాయ్ గా తెరంగేట్రం చేసిన హీరోలంతా కొన్ని సినిమాల త‌ర్వాత మాస్ జ‌పం చేస్తుంటారు. ఇప్పుడు రామ్ కూడా అదే చేస్తున్నాడు. ఎన‌ర్జిటిక్ హీరోగా పేరు సంపాదించిన‌ప్ప‌టికీ.. రామ్ కెరీర్ లోకి తొంగి చూస్తే, అన్నీ సాప్ట్ మూవీసే క‌నిపిస్తాయి.

అయితే.. డాషింగ్ డైరెక్ట‌ర్ పూరీ ద‌ర్శ‌క‌త్వంలో తెర‌కెక్కిన బ్లాక్ బ‌స్ట‌ర్ మూవీ 'ఇస్మార్ట్ శంక‌ర్‌'తో రామ్ లోని మాస్ యాంగిల్ ఫుల్ గా ఎలివేట్ అయ్యింది. తాజాగా వ‌చ్చిన 'రెడ్‌'లోకూడా దీన్ని కంటిన్యూ చేశాడు. కాగా.. రాబోతున్న అప్ క‌మింగ్ మూవీ కూడా.. ప‌వ‌ర్ ప్యాక్డ్‌ మాస్ మూవీ అవుతుందని తెలుస్తోంది.

తమిళ దర్శకుడు ఆర్.టి.నీసన్ ద‌ర్శ‌క‌త్వంలో నెక్స్ట్ మూవీ చేయ‌బోతున్నాడ‌ట రామ్‌. నీస‌న్ లాస్ట్ మూవీ 'జిల్లా'. తమిళ్ స్టార్ విజయ్- మోహన్ లాల్ ప్రధాన పాత్రల్లో నటించారీ చిత్రంలో. ఈ మాస్ డైరెక్టర్ తోనే రామ్ తన నెక్స్ట్ మూవీ చేయబోతున్నట్టు సమాచారం.

ఫుల్ మాస్ షేడ్స్ కలగలిసిన యాక్షన్ స్టోరీతో  ఇటీవల రామ్‌ను సంప్రదించాడట నీసన్. ఈ స్టోరీతో రామ్ కనెక్ట్ అయ్యాడని, దీంతో వెంటనే గ్రీన్ సిగ్నల్ ఇచ్చాడని ప్రచారం సాగుతోంది. అంతేకాదు.. ప్రీ-ప్రొడక్షన్ పనులు కూడా మొదలయ్యాయని, త్వరలోనే ఒక అధికారిక ప్రకటన కూడా వచ్చే అవకాశం ఉందని టాక్. మొత్తానికి ఇస్మార్ట్ సినిమాతో వచ్చిన మాస్ ఇమేజ్ ను.. ఫుల్ కాంక్రీట్ బేస్ గా మార్చుకోవాలని చూస్తున్న రామ్.. మరికొన్నాళ్లు మాస్ జపం కంటిన్యూ చేసే ఛాన్స్ కనిపిస్తోంది.