టీవీ ఛానల్స్ మధ్య పోటీ పెరిగిన నేపధ్యంలో ఒకే తరహా ప్రోగ్రాంలు చేస్తూ కూర్చుంటే రేటింగ్స్ రావడం లేదు. పక్క వాళ్ళ కన్నా భిన్నంగా ఆలోచించినప్పుడే దేనిలోనైనా సక్సెస్ దక్కుతుంది. అందుకే కొత్త కొత్త కాన్సెప్ట్స్ తో షోలు ప్లాన్ చేస్తున్న క్రమంలో తమ క్రియేటివిటీకి మరింత పదును పెడుతున్నారు రైటర్స్. అందులో భాగంగానే ఒక తమిళ ఛానల్ హీరో ఆర్యతో ఒక సరికొత్త గేమ్ షోకి తెర తీయబోతోంది. అందులో ఆశ్చర్యం ఏముంది అనుకుంటున్నారా. చాలా ఉంది. ఇది ఆషామాషీ గేమ్ షో కాదు. స్వయంవరం. సాధారణంగా ఎవరైనా రాకుమారి తనకు కావలసిన వరుడు కోసం స్వయంవరం ఏర్పాటు చేసి అందులో గెలిచిన వారి మెడలో వరమాల వేయటం మనం కథల్లో చదువుకున్నాం. కాని ఇది రివర్స్. ఇక్కడ వరుడు ఉంటాడు. వధువులు పోటీలో పాల్గొంటారు.
ఇంగవీటు మాపిల్లై పేరుతో రూపొందే ఈ షో కోసం అప్లికేషన్లు ఆహ్వానిస్తే దాదాపు 70 వేలకు పైగా పెళ్లి కాని అమ్మాయిలు తాము ఇందులో పాల్గొంటామంటూ దరఖాస్తు చేసుకున్నారు. కేవలం 18 మందితో షో మొదలుపెట్టాలి అనుకున్న నిర్వాహకులకు ఇంత స్పందన చూసి మతి పోయింది. ఇవి ఫిల్టర్ చేయడానికే ఒక పెద్ద టీం కావల్సి వచ్చేలా ఉందని తలలు పట్టుకుంటున్నారు. ఆర్యకున్న క్రేజ్ వల్ల ఈ షోలో కనక గెలిస్తే తనను సొంతం చేసుకోవచ్చు అన్న ఆలోచన ఇంత భారీ స్పందన వచ్చేలా చేసిందని ఛానల్ యాజమాన్యం మురిసిపోతోంది.
గతంలో బాలీవుడ్ హీరొయిన్ రాఖీ సావంత్ కూడా ఇదే తరహాలో ఒక హింది ఛానల్ కోసం స్వయంవరం షోలో పాల్గొని పెద్ద సంచలనం రేపింది కాని అందులో విన్నర్ ని మాత్రం పెళ్లి చేసుకోలేదు. అది తొలుత వివాదం అయినప్పటికీ తర్వాత సర్దిపుచ్చారు. మరి ఆర్య ఇప్పుడు అదే తరహాలో తూచ్ ఇది టీవీ షో మాత్రమే అని చెప్పి తప్పుకుంటాడా లేక గెలిచిన అమ్మాయిని నిజంగా పెళ్లి చేసుకుంటాడా అనేది ఆసక్తికరంగా మారింది.ఆర్య గతంలో అల్లు అర్జున్ వరుడు సినిమాలో విలన్ గా నటించిన సంగతి తెలిసిందే. అతను నటించిన స్ట్రెయిట్ తెలుగు మూవీ అదొక్కటే.
ఇంగవీటు మాపిల్లై పేరుతో రూపొందే ఈ షో కోసం అప్లికేషన్లు ఆహ్వానిస్తే దాదాపు 70 వేలకు పైగా పెళ్లి కాని అమ్మాయిలు తాము ఇందులో పాల్గొంటామంటూ దరఖాస్తు చేసుకున్నారు. కేవలం 18 మందితో షో మొదలుపెట్టాలి అనుకున్న నిర్వాహకులకు ఇంత స్పందన చూసి మతి పోయింది. ఇవి ఫిల్టర్ చేయడానికే ఒక పెద్ద టీం కావల్సి వచ్చేలా ఉందని తలలు పట్టుకుంటున్నారు. ఆర్యకున్న క్రేజ్ వల్ల ఈ షోలో కనక గెలిస్తే తనను సొంతం చేసుకోవచ్చు అన్న ఆలోచన ఇంత భారీ స్పందన వచ్చేలా చేసిందని ఛానల్ యాజమాన్యం మురిసిపోతోంది.
గతంలో బాలీవుడ్ హీరొయిన్ రాఖీ సావంత్ కూడా ఇదే తరహాలో ఒక హింది ఛానల్ కోసం స్వయంవరం షోలో పాల్గొని పెద్ద సంచలనం రేపింది కాని అందులో విన్నర్ ని మాత్రం పెళ్లి చేసుకోలేదు. అది తొలుత వివాదం అయినప్పటికీ తర్వాత సర్దిపుచ్చారు. మరి ఆర్య ఇప్పుడు అదే తరహాలో తూచ్ ఇది టీవీ షో మాత్రమే అని చెప్పి తప్పుకుంటాడా లేక గెలిచిన అమ్మాయిని నిజంగా పెళ్లి చేసుకుంటాడా అనేది ఆసక్తికరంగా మారింది.ఆర్య గతంలో అల్లు అర్జున్ వరుడు సినిమాలో విలన్ గా నటించిన సంగతి తెలిసిందే. అతను నటించిన స్ట్రెయిట్ తెలుగు మూవీ అదొక్కటే.