డైరెక్టర్ మారుతీ పై ఆశలు పెట్టుకున్న బండ్ల.. ఎందుకంటే?

టాలీవుడ్ ఇండస్ట్రీలో కమెడియన్ నుండి స్టార్ ప్రొడ్యూసర్ గా మారాడు బండ్ల గణేష్. కానీ ఏమైందో గాని నిర్మాతగా వరుస ప్లాపులు ఎదుర్కొలేక సినిమాలకు సెలవు పెట్టేసాడు. మధ్యలో రాజకీయం అంటూ వెళ్లాడు. అక్కడ కూడా ఓటమి అనే ఎదురుదెబ్బలే తగలడంతో మళ్లీ సినిమాల వైపు దృష్టిపెట్టాడు. అసలు సినిమాలే వద్దనుకున్న గణేష్ తాజాగా మరో సినిమాతో ప్రేక్షకుల ముందుకు వచ్చేందుకు సిద్ధం అవుతున్నాడు. రాజకీయానికి సెలవు పెట్టాక బండ్ల గణేష్.. సూపర్ స్టార్ మహేష్ బాబు నటించిన సరిలేరు నీకెవ్వరూ సినిమాతో మళ్లీ కమెడియన్ గా రీఎంట్రీ ఇచ్చాడు. కానీ ఆ పాత్ర పోషించినందుకు గణేష్ కు ప్రశంసల గురించి పక్కనపెడితే ట్రోల్స్ ఎక్కువగా ఆటాడుకున్నాయి. అప్పటినుండి మళ్లీ ఏ సినిమాకు ఓకే చెప్పలేదు.

కానీ ఇప్పుడు అన్నివిధాలా సిద్దమై తను పక్కా కమర్షియల్ అనబోతున్నాడు. టాలీవుడ్ హ్యాండ్సమ్ హీరో గోపీచంద్ నటించనున్న పక్కా కమర్షియల్ సినిమాలో మళ్లీ కమెడియన్ గా తన అదృష్టం పరీక్షించుకోవడానికి రెడీ అయ్యాడు బండ్ల. మొత్తానికి కనిపించను అని చెప్పిన బండ్ల గణేష్ మళ్లీ తెరమీదకు రావడానికి కారణం డైరెక్టర్ మారుతీ. నిజానికి మారుతీ చివరిగా చేసిన ప్రతిరోజు పండగే సినిమాలోనే బండ్ల నటించాల్సి ఉంది. కానీ అప్పుడెందుకో కుదరలేదు. కానీ ఈసారి మారుతీ ఎలా ఒప్పించాడో గాని గణేష్ సమ్మతం తెలిపాడట. అయితే ఈ సినిమాలో గణేష్ మెయిన్ కమెడియనా లేక కామెడీ సైడ్ క్యారెక్టర్ చేస్తున్నాడా అనేది తెలియాల్సి ఉంది. కానీ ఈ సినిమాతో తను మళ్లీ బిజీ అవుతానని భావిస్తున్నాడట బండ్ల. చూడాలి మరి గబ్బర్ సింగ్ ప్రొడ్యూసర్ ఈ మూవీతో గబ్బర్ ఈజ్ బ్యాక్ అంటాడేమో!