క‌ళ్ల‌తోనే క్రౌర్యం చూపించ‌గ‌ల‌డు. అవినీతిప‌రుల గుండెల్లో గున‌పం దించేయ‌గ‌ల‌డు. అస‌లు పోలీస్ అన్న ప‌దానికే నిలువెత్తు నిద‌ర్శ‌నం... ఖాకీ తొడిగాడంటే తుక్కు రేగాల్సిందే. ఇదంతా `సింగం` సిరీస్‌ లో సూర్య రూపంలో చూశాం. సీరియ‌స్ పోలీసాఫీస‌ర్‌ గా సాయికుమార్‌ ని చూసిన ఆడియెన్ మళ్లీ అంతే ఎగ్రెస్సివ్‌ గా సూర్య‌ను చూడ‌గ‌లిగారు. అంటే అది సూర్యకు మాత్ర‌మే సాధ్య‌మైన విద్య. అంత‌కుముందే మ‌తిమ‌రుపు గ‌జినిగా వ‌చ్చి సూర్య తెలుగువారి గుండెల‌పై నిదురించాడు. అందుకే ఇటీవ‌లి కాలంలో కొన్ని వ‌రుస ఫ్లాపులొచ్చినా అత‌డి ఇమేజ్ చెక్కు చెద‌ర‌లేదు. సూర్య మళ్లీ మళ్లీ గ‌జినీలా వ‌స్తూ దండ‌యాత్ర చేస్తున్నా మ‌నోళ్లు అత‌డి కోసం వేచి చూస్తూనే ఉన్నారంటే ద‌టీజ్ సూర్య మ్యాజిక్‌. ప్ర‌స్తుతం ఎన్‌ జీకే- నంద గోపాలకృష్ణ అంటూ మ‌రోసారి తెలుగు ప్రేక్ష‌కుల ముందుకు రాబోతున్నాడు. నిన్న‌నే ఎన్జీకే సెకండ్ లుక్ రిలీజ్ చేసి మ‌రోసారి ఇంప్రెష‌న్ కొట్టేశారు.
అదంతా అటుంచితే - సూర్య‌లోని వేరొక కోణం గురించి ప్ర‌త్యేకంగా మాట్లాడుకోవాలి. అత‌డు ఓవైపు సినిమాల్లో న‌టిస్తూ - వేరొక వైపు సొంతంగా 2డి ఎంట‌ర్‌ టైన్‌ మెంట్ బ్యాన‌ర్‌ స్థాపించి అందులో ప‌లు క్రేజీ చిత్రాల్ని నిర్మిస్తున్నాడు. త‌న భార్య జ్యోతిక‌ను తెలివిగా మార్కెట్ క్వీన్‌ గా మ‌లిచాడు. ఆ బ్యాన‌ర్‌లో జ్యోతిక న‌టించే సినిమాల‌న్నీ హిట్లే. ఇక ఇలా వ‌చ్చిన సొమ్ముల్ని ప‌లు సామాజిక కార్య‌క్ర‌మాల‌కు అత‌డు త‌ర‌లిస్తుండ‌డంపై త‌మిళుల్లో ప్ర‌త్యేకంగా చ‌ర్చ సాగుతోంది. సూర్య సూపర్ స్టార్ మాత్ర‌మే కాదు - అత‌డు మ‌న‌సున్న మంచి మ‌నిషి. మానవ‌తావాది అన్న పేరు తెచ్చుకున్నాడు. అందుకే అత‌డికి ప్ర‌త్యేకించి తుపాకి త‌ర‌పున బ‌ర్త్‌ డే శుభాకాంక్ష‌లు. సూర్య న‌టిస్తున్న ఎన్‌ జీకే తెలుగులో పూర్వ వైభ‌వం తెస్తుంద‌నే ఆశిద్దాం.