ప‌క్కా ప్రూఫ్‌ ల‌తో స్టార్ హీరోలు హీరోయిన్ల గుట్టంతా NCB చేతిలో?!

ప‌క్కా ప్రూఫ్‌ల‌తో బాలీవుడ్ స్టార్ హీరోలు హీరోయిన్ల గుట్టంతా NCB చేతికి చిక్కారా? అంటే .. అవున‌నే ప్ర‌చార‌మ‌వుతోంది. ఆ మేర‌కు జాతీయ మీడియా క‌థ‌నాలు సంచ‌ల‌నాలుగా మారాయి. ఎర‌క్క‌పోయి ఇరుక్కున్నా.. అన్నీ తెలిసే చేసినా మొత్తానికి బిగ్ షాట్స్ పేర్లు మీడియా ముఖంగా రివీల‌వుతున్నాయి.

బాలీవుడ్ డ్రగ్ డొంక క‌ద‌ల‌డంతో నార్కోటిక్స్ కంట్రోల్ బ్యూరో (ఎన్‌సిబి) పరిశ్రమలోని అగ్రశ్రేణి తారలను వేటాడ‌నుంద‌ని చెబుతున్నారు. తాజా సమాచారం ప్రకారం.. టాలెంట్ మేనేజ్‌మెంట్ ఏజెన్సీ KWAN - ధృవ్ చిట్గోపేక‌ర్ ఒక పెద్ద డ్ర‌గ్ ప్లేయ‌ర్ అని అనుమానిస్తున్నారు .. ఆయ‌న ఇప్ప‌టికే ఎన్.సి.బి స్కానర్ కింద ఉన్నారు. బాలీవుడ్ అగ్రశ్రేణి తారలు  క్వాన్ యాజమాన్యంలో ఉన్నట్లు అనుమానిస్తున్నారు. క్వాన్ యాజమాన్యాన్ని ఏజెన్సీ మరింతగా లోతుగా పరిశీలిస్తోందని సోర్సెస్ సమాచారం ఇచ్చింది.

టాలెంట్ మేనేజ్ మెంట్ ఏజెన్సీ ఉద్యోగి కరిష్మా ప్రకాష్ - దీపికా పదుకొనేతో స‌త్సంబంధాలు క‌లిగి ఉన్నార‌ని దీపిక‌కు డ్ర‌గ్స్ స‌ర‌ఫ‌రా వ్య‌వ‌హారం సాగేద‌ని  దర్యాప్తు సంస్థ విచార‌ణ‌లో తేలిన‌ట్టుగా జాతీయ మీడియా క‌థ‌నాలు ప్ర‌చురించింది. ప్రస్తుతం డ్రగ్ లింకుకు సంబంధించి ఎన్‌.సిబి కెవాన్ సిఇఓ ధ్రువ్ చిట్గోపేకర్‌ను విచారిస్తోంది.

నటుడు సుశాంత్ సింగ్ రాజ్‌పుత్ మరణ కేసులో డ్రగ్స్ కోణంపై ఎన్‌సిబి దర్యాప్తులో బాలీవుడ్ ‌లో విస్తృతమైన మాదకద్రవ్యాల నెక్సస్ (లింకు) బయటపడింది. ఈ లింకులో భయంకరమైన సాక్ష్యాలతో ఎన్.సి.బి ఆట‌క‌ట్టించే ప‌నిలో ప‌డింది.