అబ్బే మహర్షిలో అతను సేఫ్ అంటున్నారు?

వచ్చే నెల 9న విడుదల కానున్న మహర్షి మీద అభిమానుల గురి మాములుగా లేదు. భరత్ అనే నేను వచ్చి ఏడాది దాటిన నేపధ్యంలో అంతకు మించి బ్లాక్ బస్టర్ హిట్ కొట్టాలని వేయి కళ్ళతో ఎదురు చూస్తున్నారు. ఇప్పటికే కథ గురించి పాత్రల గురించి రకరకాల వార్తలు ప్రచారంలో ఉన్నాయి. ముఖ్యంగా అల్లరి నరేష్ కు ఇందులో ఎంత స్పాన్ ఉంటుంది అనే దాని మీద అభిమానుల్లో విపరీతమైన ఆసక్తి నెలకొంది. కొద్దిరోజుల క్రితం ఇందులో నరేష్ రోల్ గురించి ఓ ప్రచారం జరిగింది.

గమ్యంలో గాలి శీను తరహాలో చాలా ఎమోషనల్ గా ఉంటూ ఈ పాత్ర చనిపోయేలా దర్శకుడు వంశీ పైడిపల్లి డిజైన్ చేశాడని తర్వాత మహర్షి ఇండియా రావడం జరుగుతుందని అందులో పేర్కొన్నారు. చిన్నచిన్న ముక్కల్లో లీకైన స్టొరీ పాయింట్స్ ను కలుపుకుంటూ పోతే అది నిజమనే ఛాన్సెస్ ఎక్కువగా కనిపించాయి. ఇది యూనిట్ దృష్టికి కూడా వెళ్ళింది

వాళ్ళు చెబుతున్న దాని ప్రకారం అల్లరి నరేష్ పాత్రకు అలాంటి ట్రాజెడీ ఫినిష్ ఏమి లేదట. పెర్ఫార్మన్స్ పరంగా మహేష్ తో పోటీ పడే లాగా ఉంటూనే కీలకమైన మలుపుకు కారణమవుతూ సెకండ్ హాఫ్ లో మహేష్ తో పాటు జర్నీ చేసేలా ఉంటుందని చెబుతున్నారు. ఖచ్చితంగా ఇదీ నిజమని చెప్పడానికి లేదు. విడుదలయ్యే దాకా ఎదురు చూడాల్సిందే.

ఈ రెండు మాటల్లో ఏది వాస్తవమైనా కథకు చాలా ఇంపార్టెంట్ ట్విస్ట్ కాబట్టి ఇంతకు మించి షేర్ చేసుకోవడానికి టీం ఇష్టపడదు. సో సినిమా చూసాకే ఏది నిజం ఏది అబద్దమో తేలుతుంది. పూజా హెగ్డే హీరొయిన్ గా నటించిన మహర్షి బాలన్స్ వర్క్ తో పాటు మరో పాట చిత్రీకరణ ఈ నెలలోనే పూర్తి చేసి చివరి వారానికి ఫైనల్ కాపీ రెడీ చేయబోతున్నారు. ట్రైలర్ ప్లస్ ప్రీ రిలీజ్ ఈవెంట్ వివరాలు ఇంకా తెలియాల్సి ఉంది