దేవిశ్రీ ప్రసాద్ కి తన తండ్రి అంటే ఎంతటి అభిమానమో.. ఆయన మాటల్లో తెలుస్తూనే ఉంటుంది. ఆయన లేని లోటు తలుచుకుని కన్నీళ్లు పెట్టేసుకుంటూ ఉంటాడు డీఎస్పీ. ఇప్పుడు మళ్లీ తన తండ్రి వచ్చేశారంటూ.. ఓ బుజ్జాయిని చూపిస్తున్నాడు దేవిశ్రీ.
'నా సోదరి కుమారుడు మేనల్లుడు అయిన తనవ్ సత్య. మా తండ్రి సత్యమూర్తిగారి పేరు కలిసొచ్చేలా పెట్టాము. ఈ చిన్నారి రూపంలో మళ్లీ నాన్న తిరిగివచ్చేశారు. అందుకే నేను డాడీ బాయ్ అని పిలుస్తాను. మీ అందరి ప్రేమ కావాలి' అంటూ ట్వీట్ చేశాడు దేవిశ్రీ ప్రసాద్. తనవ్ సత్యతో దేవిశ్రీ ప్రసాద్ ఆడుకుంటున్న ఫోటోలు భలే చూడముచ్చటగా ఉన్నాయి. మేనల్లుడితో ఆడుకోవడాన్ని దేవిశ్రీప్రసాద్ ఎంతగా ఎంజాయ్ చేస్తున్నాడో కనిపిస్తోంది. అందులోనే నాన్నే మళ్లీ ఇలా తన దగ్గరకు వచ్చారని నమ్ముతున్న దేవిశ్రీ.. ఎంతో పదిలంగా మేనల్లుడితో ఆడుకుంటూ.. మనకు పరిచయం చేస్తున్నాడు.
ఇక సినిమాల విషయానికి వస్తే.. మరో వారంలో విడుదల కానున్న మెగాస్టార్ మూవీ ఖైదీ నంబర్ 50తోపాటు.. నాని మీ నేను లోకల్.. బన్నీ-హరీష్ శంకర్ ల దువ్వాడ జగన్నాధంలకు సంగీతం అందిస్తున్నాడు దేవిశ్రీ ప్రసాద్. ప్రస్తుతం ఖైదీకి సంబంధించిన మిక్సింగ్ అండ్ ఫైనల్ పనులు నడుస్తున్నాయట.
Like Us on Facebook : https://www.facebook.com/Tupakidotcom/