పూరీ కోసం చిరు వాళ్ళని పక్కన పెడతాడా...?

సినిమాలో హీరోయిజాన్ని బాగా ఎలివేట్ చేసి చూపించే డైరెక్టర్లలో పూరి జగన్నాథ్ ముందు వరుసలో ఉంటాడు. హీరోలకు ఒక స్పెషల్ క్యారెక్టర్ ని క్రియేట్ చేసి దానికి స్పెషల్ ఇమేజ్ ని క్రియేట్ చేసే ఘనత ఆయనది. సినీ ఇండస్ట్రీలో ఇరవై ఏళ్ళ కెరీర్ పూర్తి చేసుకున్న పూరీ.. టాలీవుడ్ లోని స్టార్ హీరోలందరితో సినిమాలు తీసాడు. డేరింగ్ డాషింగ్ డైరెక్టర్ గా పిలవబడే పూరీ జగన్నాథ్ ఈ 20 ఏళ్ల సినీ ప్రయాణంలో పూరి 35 సినిమాలు డైరెక్ట్ చేశాడు. నాగార్జున - పవన్ కళ్యాణ్ - మహేష్ బాబు - అల్లు అర్జున్ - రామ్ చరణ్ - ఎన్టీఆర్ వంటి స్టార్ హీరోలందరికి బాక్స్ ఆఫీస్ హిట్టిచ్చిన పూరి.. బాలకృష్ణ, ప్రభాస్ లకి కూడా గుర్తుండిపోయే సినిమాలు ఇచ్చాడు. కానీ మెగాస్టార్ చిరంజీవిని మాత్రం డైరెక్ట్ చేయలేకపోయాడనే వెలితి మాత్రం ఆయనలో మిగిలిపోయింది. వాస్తవానికి మెగాస్టార్ చిరంజీవితో సినిమా చేయాలని పూరి జగన్నాథ్ చాలా ప్రయత్నాలు చేశారు. అప్పట్లో ఆయన రీ ఎంట్రీ మూవీ 'ఆటోజానీ' ఫిక్స్ అని అంతా అనుకున్నారు. అంతా ఓకే అనుకున్న త‌రుణంలో కొన్ని అనివార్య కారణాల వలన సినిమా ఆగిపోయింది. ఇప్పుడు లాక్ డౌన్ లో మెగాస్టార్ కోసం ఒక స్క్రిప్ట్ రెడీ చేస్తున్నాడట. స్క్రిప్ట్ రాయడం పూర్తయ్యాక ఫోన్ ద్వారా చిరుకి స్టోరీ వినిపించాలని డిసైడ్ అయ్యాడట పూరి.

కానీ ఇప్పుడు మెగాస్టార్ వరుస సినిమాలను ఓకే చేస్తూ బిజీగా ఉన్నాడు. 'ఖైదీ నెంబర్ 150' సినిమాతో రీఎంట్రీ ఇచ్చి హిట్ కొట్టిన చిరు ప్రస్తుతం కొరటాల శివ దర్శకత్వంలో 'ఆచార్య' సినిమాలో నటిస్తున్నాడు. ఆ తర్వాత యంగ్ డైరెక్టర్స్ సుజిత్.. బాబీ.. మెహార్ రమేశ్‌ లతో సినిమాలు చేయబోతున్నాని ఇటీవల ఒక ఇంటర్వ్యూలో వెల్లడించాడు. అయితే మెగా ఫ్యాన్స్ మాత్రం మెగాస్టార్ ని ఒక మాస్ మసాలా ఉండే హీరోయిజం సినిమాలో చూడాలని కోరుకుంటున్నారు. తన నెక్స్ట్ సినిమాని సుజిత్, బాబీ, మెహార్ రమేశ్‌ లతో కాకుండా పూరీతో సెట్ చేస్తే అయితే బ్లాక్ బస్టర్ హిట్ అవుద్ది.. లేదా చిరంజీవి కెపాసిటితో బ్రేక్ ఈవెన్ అవుద్దని వారు అభిప్రాయపడుతున్నారట. అంతేకాకుండా పూరీ - చిరు కాంబోలో రౌడీ అల్లుడు సినిమా రేంజ్ లో మాస్ మసాలా ఉండే మూవీ కోరుకుంటున్నారట మెగా ఫ్యాన్స్. ఇప్పుడు ఈ ముగ్గురులో ఎవరు ఆ రేంజ్ లో సినిమా ఇచ్చే ఛాన్సెస్ లేవని.. వీరి గత సినిమాలు చూసుకున్నా ఆ విషయం అర్థం అవుద్దని చిరు అభిమానులు అంటున్నారు. అదే పూరీ జగన్నాథ్ లేదా హరీష్ శంకర్ లతో మెగాస్టర్ కి ఒక బొమ్మ పడితే చూడాలని మెగా ఫ్యాన్స్ ఆశిస్తున్నారట. మరి మెగా ఫ్యాన్స్ కోరికని పరిగణలోకి తీసుకొని వీరి కాంబోలో మాంచి మసాలా సినిమా తీస్తాడేమో చూడాలి.