ఫొటోటాక్ : ఒకే ఫ్రేమ్‌ లో నలుగురు లెజెండ్రీ స్టార్స్‌

ఒక ఫొటోలు ఇద్దరు లేదా ముగ్గురు స్టార్‌ హీరోలు కనిపిస్తేనే అద్బుతం అన్నట్లుగా అభిమానులు చూస్తూ ఉంటారు. అలాంటిది ఈ ఫొటోలో ఏకంగా నలుగురు లెజెండ్స్ ను చూడవచ్చు. 33 ఏళ్ల క్రితం ఫొటో ఇది. చిరంజీవి హీరోగా విజయ బాపినీడు దర్శకత్వంలో రూపొందిన ఖైదీ నెం.786 ఘన విజయం సాధించింది. ఆ సినిమా సక్సెస్ వేడుక సందర్బంగా విజయ బాపినీడు మరియు చిరంజీవిలను అభినందించేందుకు గాను ఈ లెజెండ్రీ స్టార్స్ ముఖ్య అతిథులుగా హాజరు అయ్యారు.

కృష్ణ.. కృష్ణంరాజు.. శోభన్‌ బాబులతో చిరంజీవికి అప్పట్లో సన్నిహిత సంబంధాలు ఉండేవి. అలాగే దర్శకుడు విజయ బాపినీడు కూడా ఆ ముగ్గురు స్టార్స్ కు ఆప్తుడిగా పేరు ఉన్నాడు. ఖైదీ నెం.786 సినిమా సక్సెస్‌ సంబరాలకు ముగ్గురు లెజెండ్రీ హీరోలు బిజీ షెడ్యూల్‌ అయినా కూడా చిరంజీవి మరియు విజయ బాపినీడు కోసం వచ్చారు.

1988 జూన్‌ 10న విడుదల అయిన ఖైదీ నెం.786 సినిమా లో హీరోయిన్‌ గా భానుప్రియ నటించగా కీలక పాత్రల్లో మోహన్‌ బాబు ఇంకా కోట శ్రీనివాసరావు సత్యనారాయణ నూతన్‌ ప్రసాద్ లు నటించారు. విజయ బాపినీడు చిరంజీవి కాంబినేషన్‌ లో వచ్చిన ఏడు సినిమాల్లో ఈ సినిమా బిగ్గెస్ట్‌ సక్సెస్‌ చిత్రంగా నిలిచింది.