టాలీవుడ్ లో యంగ్ టైగర్ ఎన్టీఆర్ - దర్శకధీరుడు రాజమౌళి ల స్నేహం గురించి ప్రత్యేకంగా చెప్పక్కర్లేదు. ఒక హీరో - దర్శకుడుకి మధ్య ఉండే అనుబంధం కంటే అంతకుమించి బెస్ట్ ఫ్రెండ్స్ గా ఇండస్ట్రీలో మెలుగుతూ ఉంటారు. వీరిద్దరూ అనేక సందర్భాల్లో ఈ విషయాన్ని చెప్పుకొచ్చారు. 'స్టూడెంట్ నెంబర్ 1' సినిమాతో మొదలైన వీరి సినీ ప్రయాణం 'ఆర్.ఆర్.ఆర్' సినిమా వరకు కొనసాగింది. ఇంకా కొనసాగుతూనే ఉండబోతుంది. 'స్టూడెంట్ నెంబర్ 1' సినిమా రాజమౌళికి మొదటి సినిమా.. తారక్ కి రెండో సినిమా. దీంతో ఇద్దరు దాదాపుగా సినీ ఇండస్ట్రీలో తమని తాము నిరూపించుకోవాలనే కసితో ఉన్న రోజుల్లో వీరి మధ్య మంచి బాండింగ్ ఏర్పడింది. రాజమౌళిని ముద్దుగా 'జక్కన్న' అని పిలుస్తుంటారు తారక్. ఇద్దరి కాంబినేషన్ లో ఇప్పటి వరకు 'స్టూడెంట్ నెంబర్ 1' 'సింహాద్రి' 'యమదొంగ' సినిమాలు తెరకెక్కాయి. వీరి కాంబోలో వచ్చిన సినిమాలన్నీ హిట్ సినిమాలే. ఇప్పుడు నాలుగో సినిమాగా 'ఆర్.ఆర్.ఆర్' రెడీ అవుతోంది. ఇది కూడా ఖచ్చితంగా హిట్ అవుతుందని సినీ అభిమానులు నమ్మకంతో ఉన్నారు.
ఇదిలా ఉండగా ఈ రోజు ఎన్టీఆర్ పుట్టినరోజు. ఈ సందర్భంగా 'ఆర్.ఆర్.ఆర్' మూవీలో 'కొమరం భీమ్' గా నటిస్తున్న తారక్ కి సంభందించి ఫస్ట్ లుక్ మరియు ఇంట్రో వీడియో వస్తుందని అందరూ భావించారు. అయితే 'ఆర్.ఆర్.ఆర్' టీమ్ నుండి ఎన్టీఆర్ కి సంభందించిన ఎలాంటి అప్డేట్ ఇవ్వడం కుదరడం లేదని చిత్ర యూనిట్ ప్రకటించింది. దీంతో ఎన్టీఆర్ అభిమానులు తీవ్ర నిరాశకు గురయ్యారు. ఇదిలా ఉండగా యంగ్ టైగర్ ఎన్టీఆర్ బర్త్ డే సందర్భంగా దర్శకధీరుడు రాజమౌళి సోషల్ మీడియా వేదికగా విషెస్ చెప్పాడు. ''నువ్వు నా సినీ ప్రయాణంలో మొదటి నుండి ఒక భాగమైనందుకు నేను సంతోషిస్తున్నాను. హ్యాపీ బర్త్ డే డియర్ తారక్. నేను నీకంటే మంచి భీమ్ను కనుగొనలేను'' అంటూ ఇంస్టాగ్రామ్ లో పోస్ట్ చేసాడు. దీనికి వీరిద్దరి కలయికలో వచ్చిన ఫస్ట్ మూవీ 'స్టూడెంట్ నెంబర్ 1' సమయంలో దిగిన ఫోటో ఒకటి పోస్ట్ చేసాడు. ఈ ఫొటోలో ఎన్టీఆర్ - రాజమౌళి ఒకరినొకరు ఆత్మీయంగా ఆలింగనం చేసుకుని చిరునవ్వులు చిందిస్తున్నారు. ఈ ఫోటో చూసిన అభిమానులు పులకరించి పోతున్నారు. ఈ పోస్ట్ కి ఎన్టీఆర్ అభిమానులు జక్కన్నకి థ్యాంక్స్ చెప్తూనే 'రామరాజు ఫర్ భీమ్' అప్డేట్ ఇవ్వలేదని తమ బాధని వ్యక్తం చేస్తున్నారు.
ఇదిలా ఉండగా ఈ రోజు ఎన్టీఆర్ పుట్టినరోజు. ఈ సందర్భంగా 'ఆర్.ఆర్.ఆర్' మూవీలో 'కొమరం భీమ్' గా నటిస్తున్న తారక్ కి సంభందించి ఫస్ట్ లుక్ మరియు ఇంట్రో వీడియో వస్తుందని అందరూ భావించారు. అయితే 'ఆర్.ఆర్.ఆర్' టీమ్ నుండి ఎన్టీఆర్ కి సంభందించిన ఎలాంటి అప్డేట్ ఇవ్వడం కుదరడం లేదని చిత్ర యూనిట్ ప్రకటించింది. దీంతో ఎన్టీఆర్ అభిమానులు తీవ్ర నిరాశకు గురయ్యారు. ఇదిలా ఉండగా యంగ్ టైగర్ ఎన్టీఆర్ బర్త్ డే సందర్భంగా దర్శకధీరుడు రాజమౌళి సోషల్ మీడియా వేదికగా విషెస్ చెప్పాడు. ''నువ్వు నా సినీ ప్రయాణంలో మొదటి నుండి ఒక భాగమైనందుకు నేను సంతోషిస్తున్నాను. హ్యాపీ బర్త్ డే డియర్ తారక్. నేను నీకంటే మంచి భీమ్ను కనుగొనలేను'' అంటూ ఇంస్టాగ్రామ్ లో పోస్ట్ చేసాడు. దీనికి వీరిద్దరి కలయికలో వచ్చిన ఫస్ట్ మూవీ 'స్టూడెంట్ నెంబర్ 1' సమయంలో దిగిన ఫోటో ఒకటి పోస్ట్ చేసాడు. ఈ ఫొటోలో ఎన్టీఆర్ - రాజమౌళి ఒకరినొకరు ఆత్మీయంగా ఆలింగనం చేసుకుని చిరునవ్వులు చిందిస్తున్నారు. ఈ ఫోటో చూసిన అభిమానులు పులకరించి పోతున్నారు. ఈ పోస్ట్ కి ఎన్టీఆర్ అభిమానులు జక్కన్నకి థ్యాంక్స్ చెప్తూనే 'రామరాజు ఫర్ భీమ్' అప్డేట్ ఇవ్వలేదని తమ బాధని వ్యక్తం చేస్తున్నారు.