బోయపాటి శ్రీనుతో చేస్తున్న 'అఖండ' సినిమా షూటింగ్ అంతా పూర్తి చేసేశాడు నందమూరి బాలకృష్ణ. ఈ సినిమా వచ్చే నెలలోనే ప్రేక్షకుల ముందుకు వచ్చే అవకాశాలున్నాయి. ఇక బాలయ్య ఫోకస్ గోపీచంద్ మలినేని సినిమా మీదికి మళ్లనుంది. 'క్రాక్'తో భారీ విజయాన్నందుకు గోపీచంద్.. తర్వాతి సినిమా విషయంలో హడావుడి పడలేదు. బాలయ్యతోనూ ఓ బ్లాక్‌బస్టర్ తీయాలన్న పట్టుదలతో బాగా టైం తీసుకుని ఈ సినిమాకు కథ రెడీ చేస్తున్నాడు. స్క్రిప్టు అంతా పూర్తయిందని.. ప్రి ప్రొడక్షన్ పనులతో పాటు కాస్ట్ క్రూ ఎంపిక జరుగుతోందని తెలుస్తోంది. ఈ సినిమా కోసం విలన్‌గా ఎవ్వరూ ఊహించని వ్యక్తిని తీసుకొస్తున్నారట. కన్నడలో హీరోగా ఊర మాస్ సినిమాలు చేసే దునియా విజయ్‌ని బాలయ్య-గోపీచంద్ సినిమా కోసం ఎంచుకున్నట్లు సమాచారం. అతడి కోసం పవర్ ఫుల్ విలన్ రోల్‌ను రెడీ చేశాడట.
దునియా విజయ్ కన్నడలో మొదట చిన్న చిన్న పాత్రలే చేశాడు. ఐతే అతను హీరోగా నటించిన 'దునియా' సూపర్ హిట్ కావడంతో ఆ సినిమా పేరునే ఇంటి పేరుగా మార్చుకుని తర్వాత వరుసగా సినిమాలు చేశాడు. దాదాపు నలభై సినిమాల్లో నటించిన విజయ్.. కొన్నేళ్ల ముందు ఒక దుర్ఘటనతో వార్తల్లో నిలిచాడు. అతను చేస్తున్న ఓ సినిమా కోసం ఒక చెరువులో యాక్షన్ సన్నివేశాలు తీస్తుండగా.. ఇద్దరు ఫైటర్లు నీళ్లలో మునిగి చనిపోయారు. అప్పుడు విజయ్‌తో పాటు చిత్ర బృందం మీద పోలీసులు కేసు కూడా పెట్టారు. తర్వాత ఈ కేసు నుంచి అతను బయటపడ్డాడు. చూడ్డానికే చాలా క్రూరంగా, రఫ్‌గా కనిపించే దునియా విజయ్.. విలన్ పాత్రలకు బాగానే సూటవుతాడు. కన్నడ నుంచి కిచ్చా సుదీప్ లాంటి పెద్ద స్టారే తెలుగులో 'ఈగ' సినిమాలతో విలన్ పాత్ర చేసి ఎంతగానో ఆకట్టుకున్నాడు. గతంలో కన్నడ ప్రభాకర్, దేవరాజ్ లాంటి వాళ్లు తెలుగులో విలన్లుగా ఎంత పేరు తెచ్చుకున్నారో తెలిసిందే. ఇప్పుడు దునియా విజయ్ ఎలాంటి ముద్ర వేస్తాడో చూడాలి.
దునియా విజయ్ కన్నడలో మొదట చిన్న చిన్న పాత్రలే చేశాడు. ఐతే అతను హీరోగా నటించిన 'దునియా' సూపర్ హిట్ కావడంతో ఆ సినిమా పేరునే ఇంటి పేరుగా మార్చుకుని తర్వాత వరుసగా సినిమాలు చేశాడు. దాదాపు నలభై సినిమాల్లో నటించిన విజయ్.. కొన్నేళ్ల ముందు ఒక దుర్ఘటనతో వార్తల్లో నిలిచాడు. అతను చేస్తున్న ఓ సినిమా కోసం ఒక చెరువులో యాక్షన్ సన్నివేశాలు తీస్తుండగా.. ఇద్దరు ఫైటర్లు నీళ్లలో మునిగి చనిపోయారు. అప్పుడు విజయ్‌తో పాటు చిత్ర బృందం మీద పోలీసులు కేసు కూడా పెట్టారు. తర్వాత ఈ కేసు నుంచి అతను బయటపడ్డాడు. చూడ్డానికే చాలా క్రూరంగా, రఫ్‌గా కనిపించే దునియా విజయ్.. విలన్ పాత్రలకు బాగానే సూటవుతాడు. కన్నడ నుంచి కిచ్చా సుదీప్ లాంటి పెద్ద స్టారే తెలుగులో 'ఈగ' సినిమాలతో విలన్ పాత్ర చేసి ఎంతగానో ఆకట్టుకున్నాడు. గతంలో కన్నడ ప్రభాకర్, దేవరాజ్ లాంటి వాళ్లు తెలుగులో విలన్లుగా ఎంత పేరు తెచ్చుకున్నారో తెలిసిందే. ఇప్పుడు దునియా విజయ్ ఎలాంటి ముద్ర వేస్తాడో చూడాలి.