ట్రైలర్ టాక్: భయం లేని కవచం

తన సినిమాల్లో భారీతనం ఏ మాత్రం తగ్గకుండా హీరోయిజం ఎలివేట్ చేసే సినిమాల ద్వారా తనకంటూ ఒక ఇమేజ్ సంపాదించుకున్న బెల్లంకొండ సాయి శ్రీనివాస్ కొత్త సినిమా కవచం టీజర్ విడుదలైంది. ఇప్పటిదాకా కథ ఎలాంటిదైనా ప్రేమికుడిగానే అలరిస్తూ వచ్చిన సాయి శ్రీనివాస్ మొదటి సారి పవర్ ఫుల్ పోలీస్ ఆఫీసర్ అవతారం ఎత్తాడు. స్టోరీ లైన్ చూచాయగా నిమిషంన్నరలోనే క్లూ ఇచ్చేసారు. నగరంలో ఉండే రాణి లాంటి హీరోయిన్ కు పెద్ద ఆపద పొంచి ఉంటుంది. తనను కాపాడే కర్తవ్యంతో రంగంలోకి దిగుతాడు ఓ సైనికుడి లాంటి పోలీస్. అతనే కథానాయకుడు. ఎందుకు యువరాణికి గండం పొంచి ఉంది విలన్లు ఎందుకు తన వెంట పడుతున్నారు కవచంలా అడ్డు నిలిచినా కూడా హీరో ఎదురుకున్న సవాళ్లు ఏంటి లాంటి అంశాలతో దర్శకుడు శ్రీనివాస్ యాక్షన్ థ్రిల్లర్ గా దీన్ని మలిచినట్టు కనిపిస్తోంది.

సాయి శ్రీనివాస్ పోలీస్ యుని ఫార్మ్ లో కొత్తగా ఉన్నాడు. భయపడే వాడికి భయపెట్టేవాడికి మధ్యలో కవచంలో ఉండేవాడే పోలీస్ అంటూ చెప్పిన డైలాగ్ పేలింది. కాకపోతే టీజర్ లో మొదట చెప్పిన రాణి కాజలా లేక మెహ్రీనా అనే సస్పెన్స్ కు మాత్రం పూర్తి క్లారిటీ ఇవ్వలేదు. థమన్ బ్యాక్ గ్రౌండ్  స్కోర్ ఎప్పటిలాగే పవర్ మోడ్ లో ఉండగా చోటా కె నాయుడు ఛాయాగ్రహణంలో ఆయన అనుభవం కనిపిస్తోంది. ఫుల్ అవుట్ అండ్ అవుట్ యాక్షన్ థ్రిల్లర్ గా రూపొందిన కవచం ద్వారా దర్శకుడు శ్రీనివాస్ మామిళ్ళ బెల్లంకొండ సాయి శ్రీనివాస్ ని కొత్తగా చూపించే ప్రయత్నం అయితే మంచి ఫలితాన్ని ఇచ్చేలా ఉంది. డేట్ ఫిక్స్ చేయపోయినా డిసెంబర్ విడుదల అని క్లారిటీ ఇచ్చేసారు కాబట్టి కవచం ఎలా కాపాడుతుందో చూడాలంటే వచ్చే నెల దాకా ఆగాలి.

Full View