ఈ రోజుల్లో ఒక సినిమాపై ప్రేక్షకుల్లో ఆసక్తి కలగాలంటే టీజర్.. ట్రైలర్లో ఏదో ఒక కొత్తదనం కనిపించాలి. ఏదో ఒక ప్రత్యేకత చాటుకోవాలి. సినిమాలో ఏదో ఉందన్న భావన కలిగించాలి. అందుకు టీజర్.. ట్రైలర్ల మీద ప్రత్యేక శ్రద్ధ పెట్టి కొత్తగా తీర్చిదిద్దే ప్రయత్నం చేస్తున్నారు ఫిలిం మేకర్స్. కార్తి కథానాయకుడిగా నటిస్తున్న ద్విభాషా చిత్రం ‘ఖాకి’ టీజర్ కూడా ఇలాగే ప్రత్యేకత చాటుకుంది. కాన్సెప్ట్ లోతుల్లోకి వెళ్లకుండా విజువల్ గా సర్ప్రైజ్ చేసే ప్రయత్నం చేశారు టీజర్లో. ముందుగా ఈ టీజర్లో వాయిస్ ఓవర్ వినిపిస్తుంది. వంద కోట్ల జనాభా ఉన్న ఈ దేశంలో నాలుగు వేలి ముద్రల్ని పట్టుకుని కేసును ఎలా ఛేదిస్తావ్ అంటూ ఓ అధికారి హీరోను ప్రశ్నిస్తున్నట్లు తెలుస్తుంది ఆ వాయిస్ వింటే.
ఓ వైపు వాయిస్ వస్తుంటే మరోవైపు ఎడారి ప్రాంతంలో అట్రాక్టివ్ విజువల్స్ తో ఆకట్టకునే ప్రయత్నం చేస్తారు. టీజర్లో విశేషమంతా చివర్లోనే ఉంది. ఎడారిలో ఇసుకలో పూడుకుపోయి ఉన్న కార్తి.. పైకి లేచే సీన్ అదిరిపోయిందంతే. టీజర్ కు ఇది కొసమెరుపని చెప్పాలి. మొత్తంగా టీజర్ చూస్తే ‘ఖాకి’ ఇంటెన్స్ మూవీలా కనిపిస్తోంది. ఇంతకుముందు తమిళంలో ‘శతురంగ వేట్టై’ తీసిన వినోద్ ఈ చిత్రానికి దర్శకత్వం వహించాడు. ఇందులో రకుల్ ప్రీత్ సింగ్ కథానాయికగా నటించింది. ఇది వాస్తవ ఘటనల ఆధారంగా తెరకెక్కిన సినిమా అట. ఆడియో రంగంలో పేరు మోసిన ‘ఆదిత్య మ్యూజిక్’ అధినేతలు ఉమేష్ గుప్తా.. సుభాష్ గుప్తా ఈ సినిమాతో నిర్మాతలుగా మారుతుండటం విశేషం. ‘ఖాకి’ ట్రైలర్ అక్టోబరు 17న రానుండగా.. సినిమాను నవంబరు 17న విడుదలవుతుంది.
Full View
ఓ వైపు వాయిస్ వస్తుంటే మరోవైపు ఎడారి ప్రాంతంలో అట్రాక్టివ్ విజువల్స్ తో ఆకట్టకునే ప్రయత్నం చేస్తారు. టీజర్లో విశేషమంతా చివర్లోనే ఉంది. ఎడారిలో ఇసుకలో పూడుకుపోయి ఉన్న కార్తి.. పైకి లేచే సీన్ అదిరిపోయిందంతే. టీజర్ కు ఇది కొసమెరుపని చెప్పాలి. మొత్తంగా టీజర్ చూస్తే ‘ఖాకి’ ఇంటెన్స్ మూవీలా కనిపిస్తోంది. ఇంతకుముందు తమిళంలో ‘శతురంగ వేట్టై’ తీసిన వినోద్ ఈ చిత్రానికి దర్శకత్వం వహించాడు. ఇందులో రకుల్ ప్రీత్ సింగ్ కథానాయికగా నటించింది. ఇది వాస్తవ ఘటనల ఆధారంగా తెరకెక్కిన సినిమా అట. ఆడియో రంగంలో పేరు మోసిన ‘ఆదిత్య మ్యూజిక్’ అధినేతలు ఉమేష్ గుప్తా.. సుభాష్ గుప్తా ఈ సినిమాతో నిర్మాతలుగా మారుతుండటం విశేషం. ‘ఖాకి’ ట్రైలర్ అక్టోబరు 17న రానుండగా.. సినిమాను నవంబరు 17న విడుదలవుతుంది.