మిగతా జోనర్ సినిమాలతో పోలిస్తే సస్పెన్స్ థ్రిల్లర్.. మర్డర్ మిస్టరీ వంటి సినిమాలకో కంఫర్ట్ ఉంటుంది. వీటికి స్టార్ కాస్టింగ్.. భారీ బడ్జెట్ తో పనిలేదు. తక్కువ బడ్జెట్ లోనే సింపుల్ హిట్ కొట్టొచ్చు. అందుకే టెక్నికల్ గా కాస్త పట్టున్న డైరెక్టర్లు ఈ జోనర్ లో ట్రై చేస్తుంటారు. తాజాగా ఇలా ఓ సినిమా ప్రేక్షకుల ముందుకు రానుంది. కిస్ కిస్ బ్యాంగ్ బ్యాంగ్ పేరుతో రానున్న ఈ సినిమా ట్రయిలర్ ఇప్పటికే రిలీజైంది.
నా కథకు నేనే సాక్షి. నలుగురు మనుషులు... నాలుగంటే నాలుగే రోజులు. ఇప్పటికి వెనక్కి తిరిగి చూసుకుంటూనే ఉన్నా అనే నైట్ ఎఫెక్ట్ లో చెప్పే స్టార్టింగ్ డైలాగ్స్ తో ట్రయిలర్ పై ఆసక్తి పెంచుతాయి. లివిన్ రిలేషన్ షిప్ లో ఉన్న కపుల్ జీవితంలో సంఘటనలతో ట్రయిలర్ నెరేషన్ సాగుతోంది. స్లో మోషన్ లో వచ్చే డైలాగ్స్.. గుండెల్లో ఒకింత భయం పుట్టించే బ్యాక్ గ్రౌండ్ మ్యూజిక్ తో థ్రిల్లర్ టెంపో ఆసాంతం కొనసాగించారు. రొమాన్స్ డోస్ కూడా బాగానే దట్టించారు. హీరో వాలెట్ మిస్సవడంతో స్టోరీకి లింక్ ఏమిటన్నది తెరపై చూడాలి.
సస్పెన్స్ సినిమాలకు వీలైనంత ప్లాట్ ఏమిటన్నది దాదాపుగా చెప్పేస్తారు. కానీ కిస్ కిస్ బ్యాంగ్ బ్యాంగ్ మాత్రం అర్ధం కాకపోవడం ఓ మైనస్ పాయింట్. టెక్నికల్ వాల్యూస్ బాగానే అనిపిస్తాయి. ధ్రువ ప్రొడక్షన్స్ బ్యానర్ పై తెరకెక్కిన ఈ సినిమాకు కార్తీక్ మేడికొండ దర్శకత్వం వహించారు. కిరణ్.. హర్షద కులకర్ణి లీడ్ రోల్స్ లో నటించారు.