క్రిష్-పవన్ మూవీ.. స్మాల్ బ్రేక్.. పవర్ స్టార్ ఏం చేస్తారు?

పవర్ స్టార్ వేగంగా సినిమాలు చేస్తూ వెళ్తున్నాడు. వకీల్ సాబ్ షూట్ కంప్లీట్ చేసుకున్న పవన్.. వెంటనే క్రిష్ సినిమా స్టార్ట్ చేశారు. ప్ర‌స్తుతం హైద‌రాబాద్ లోనే షూటింగ్ కొనసాగుతోంది. వచ్చే గురువారంతో ఈ షెడ్యూల్ పూర్తి కానుంది.

ఈ కొత్త షెడ్యూల్ లో నైట్ ఎఫెక్ట్ లో రెండు పాట‌ల్ని పూర్తి చేశాడ‌ట క్రిష్‌. అయితే.. ఈ షెడ్యూల్ కంప్లీట్ కాగానే.. సుమారు 20 రోజులపాటు షూటింగ్ కు బ్రేక్ ఇవ్వబోతున్నాడట దర్శకుడు. మరి, ఈలోగా ప‌వ‌న్ మ‌రో సినిమా షూటింగ్ లో బిజీ అవుతాడా? లేదంటే పాలిటిక్స్ లో బిజీ అవుతాడా? అన్నది చూడాలి.

కాగా.. ఈ సినిమాకు 'విరూపాక్ష‌' అనే టైటిల్ ని ప‌రిశీలిస్తున్నాడు క్రిష్‌. దాదాపుగా ఇదే టైటిల్ ఫైన‌ల్ అయ్యే అవ‌కాశం వుంది. కోహినూర్ వ‌జ్రం చుట్టూ తిరిగే క‌థ ఇది. ప‌వ‌న్ ది రాబిన్ హుడ్ త‌ర‌హా పాత్ర‌గా ఉంటుందని సమాచారం.

ఇదిలాఉంటే.. ప‌వ‌న్ కోసం సెట్స్ కి ద‌ర్శ‌క నిర్మాత‌ల తాకిడి పెరిగిందట. ఈ షెడ్యూల్ కొనసాగినన్ని రోజులూ.. ద‌ర్శ‌కులు, నిర్మాత‌లూ వచ్చిపోతూనే ఉన్నారట. ఇటీవ‌ల హ‌రీష్ శంక‌ర్, సురేంద‌ర్ రెడ్డి లాంటి ద‌ర్శ‌కులు ప‌వ‌న్ ని క‌లుసుకుని వెళ్లారు. దిల్ రాజు అయితే.. త‌ర‌చూ సెట్లోనే క‌నిపిస్తున్నాడ‌ట‌.

అయితే.. ఎవ‌రొచ్చినా ప‌వ‌న్ వాళ్ల‌కు టైమ్ ఇస్తూ ఉన్నాడట. దీంతో.. షూటింగ్ కి అనుకోని బ్రేకులు చాలా వ‌స్తున్నాయ‌ని సమాచారం. ఈ విష‌యంలో క్రిష్ కాస్త ఇబ్బందిగా ఫీల‌వుతున్నాడ‌ని తెలుస్తోంది.