తెలుగు తెరకి ఈ మధ్యకాలంలో పరిచయమైన కథానాయికలలో కృతి శెట్టి .. శ్రీలీల .. కేతిక శర్మ తమదైన జోరు చూపుతున్నారు. ఇక ఈ ఏడాది పరిచయం కానున్న కథానాయికల జాబితాలో నుంచి సంయుక్త మీనన్ ముందుగా బయటికి వచ్చేసింది. ఆమె తొలిచిత్రంగా 'భీమ్లా నాయక్' ఈ రోజున ప్రేక్షకుల ముందుకు వచ్చింది.
వాస్తవానికి తెలుగులో ఆమె నటించిన మొదటి సినిమా 'బింబిసార'. కల్యాణ్ రామ్ సరసన కథానాయికగా ఆ సినిమాలో ఆమె నటించింది. అయితే ఆ సినిమాకంటే ముందుగా 'భీమ్లా నాయక్' ప్రేక్షకుల ముందుకు వచ్చింది.
తెలుగు తెరపై మొదటి నుంచి కూడా ముంబై ముద్దుగుమ్మల హవా కొనసాగుతూ వచ్చింది. కానీ ఆ తరువాత మలయాళ భామల మత్తుకి ఇక్కడి ప్రేక్షకులు అలవాటుపడిపోయారు. అప్పటి నుంచి కూడా మలయాళ బ్యూటీలు ఇక్కడ రాజ్యం చేస్తున్నారు. అలా మలయాళం నుంచి వచ్చిన మరో మందారమే సంయుక్త మీనన్.
కేరళ - పాలక్కడ్ లో పుట్టిపెరిగిన ఈ సుందరి, 2016లోనే మలయాళ ఇండస్ట్రీలో అడుగుపెట్టింది. అప్పటి నుంచి ఆమె అక్కడ వరుస సినిమాలు చేసుకుంటూ వెళుతోంది. ఎక్కవగా ఆమె టోవినో థామస్ సినిమాల్లో నటించింది.
ఇక 'కలరి' అనే సినిమాతో ఆమె తమిళ ఇండస్ట్రీకి పరిచయమైంది. 'గాలిపట 2' సినిమాతో త్వరలో కన్నడ ప్రేక్షకుల ముందుకు రానుంది. ఈ నేపథ్యంలోనే భీమ్లా నాయక్' సినిమాతో తెలుగు ప్రేక్షకులను పలకరించింది. ఈ సినిమాలో రానా జోడీగా ఆమె కనిపించింది. అందరూ కూడా సింపుల్ గా కనిపిస్తూ ఈ అమ్మాయి చాలా బాగా చేసిందని అంటున్నారు. ఇక తెలుగులో వరుస అవకాశాలు అందుకోవడం ఖాయమనే అభిప్రాయాలను వ్యక్తం చేస్తున్నారు. ఈ సినిమా ప్రీ రిలీజ్ ఈవెంట్ లోనే ఈ అమ్మాయి మంచి మాటకారి అనే విషయం అందరికీ అర్థమైపోయింది.
సంయుక్త తెలుగు బాగానే మాట్లాడుతోంది. పైగా చాలా కఠినమైన పదాలను కూడా స్పష్టంగా పలుకుతోంది. అందువలన తెలుగులో అవకాశాలు బాగానే రావొచ్చు. ఇక ఈ ఏడాదిలోనే 'బింబిసార' కూడా ప్రేక్షకుల ముందుకు రానుంది. సితార బ్యానర్ పై వెంకీ అట్లూరి రూపొందిస్తున్న 'సార్' సినిమాలోను ఆమెనే కథానాయిక. ధనుశ్ హీరోగా నటిస్తున్న ఈ సినిమాను తమిళంలో 'వాతి' టైటిల్ తో విడుదల చేయనున్నారు. సంయుక్త దూకుడు ఏ రేంజ్ లో ఉంటుందనేది చూడాలి.
వాస్తవానికి తెలుగులో ఆమె నటించిన మొదటి సినిమా 'బింబిసార'. కల్యాణ్ రామ్ సరసన కథానాయికగా ఆ సినిమాలో ఆమె నటించింది. అయితే ఆ సినిమాకంటే ముందుగా 'భీమ్లా నాయక్' ప్రేక్షకుల ముందుకు వచ్చింది.
తెలుగు తెరపై మొదటి నుంచి కూడా ముంబై ముద్దుగుమ్మల హవా కొనసాగుతూ వచ్చింది. కానీ ఆ తరువాత మలయాళ భామల మత్తుకి ఇక్కడి ప్రేక్షకులు అలవాటుపడిపోయారు. అప్పటి నుంచి కూడా మలయాళ బ్యూటీలు ఇక్కడ రాజ్యం చేస్తున్నారు. అలా మలయాళం నుంచి వచ్చిన మరో మందారమే సంయుక్త మీనన్.
కేరళ - పాలక్కడ్ లో పుట్టిపెరిగిన ఈ సుందరి, 2016లోనే మలయాళ ఇండస్ట్రీలో అడుగుపెట్టింది. అప్పటి నుంచి ఆమె అక్కడ వరుస సినిమాలు చేసుకుంటూ వెళుతోంది. ఎక్కవగా ఆమె టోవినో థామస్ సినిమాల్లో నటించింది.
ఇక 'కలరి' అనే సినిమాతో ఆమె తమిళ ఇండస్ట్రీకి పరిచయమైంది. 'గాలిపట 2' సినిమాతో త్వరలో కన్నడ ప్రేక్షకుల ముందుకు రానుంది. ఈ నేపథ్యంలోనే భీమ్లా నాయక్' సినిమాతో తెలుగు ప్రేక్షకులను పలకరించింది. ఈ సినిమాలో రానా జోడీగా ఆమె కనిపించింది. అందరూ కూడా సింపుల్ గా కనిపిస్తూ ఈ అమ్మాయి చాలా బాగా చేసిందని అంటున్నారు. ఇక తెలుగులో వరుస అవకాశాలు అందుకోవడం ఖాయమనే అభిప్రాయాలను వ్యక్తం చేస్తున్నారు. ఈ సినిమా ప్రీ రిలీజ్ ఈవెంట్ లోనే ఈ అమ్మాయి మంచి మాటకారి అనే విషయం అందరికీ అర్థమైపోయింది.
సంయుక్త తెలుగు బాగానే మాట్లాడుతోంది. పైగా చాలా కఠినమైన పదాలను కూడా స్పష్టంగా పలుకుతోంది. అందువలన తెలుగులో అవకాశాలు బాగానే రావొచ్చు. ఇక ఈ ఏడాదిలోనే 'బింబిసార' కూడా ప్రేక్షకుల ముందుకు రానుంది. సితార బ్యానర్ పై వెంకీ అట్లూరి రూపొందిస్తున్న 'సార్' సినిమాలోను ఆమెనే కథానాయిక. ధనుశ్ హీరోగా నటిస్తున్న ఈ సినిమాను తమిళంలో 'వాతి' టైటిల్ తో విడుదల చేయనున్నారు. సంయుక్త దూకుడు ఏ రేంజ్ లో ఉంటుందనేది చూడాలి.