'బ‌తుకు బ‌స్టాండ్' నుంచి మాస్ ఐటమ్ సాంగ్ 'బుస్సా బుస్సా'

అల్లు అర్జున్ మేనమామ కొడుకు విరాన్‌ ముత్తంశెట్టి హీరోగా పరిచయం అవుతున్న సినిమా ''బతుకు బస్టాండ్''. నిఖిత అరోరా - శృతి శెట్టి - జెన్నిఫర్ ఈ చిత్రంలో హీరోయిన్లుగా నటిస్తున్నారు. ఐఎన్ రెడ్డి ఈ చిత్రానికి దర్శకత్వం వహిస్తున్నారు. చక్రధర్ రెడ్డి సమర్పణలో ఇలవల ఫిలిమ్స్ బ్యానర్ పై ఐ.కవితా రెడ్డి - కె.మాధవి ఈ సినిమాని నిర్మిస్తున్నారు. టైటిల్ తోనే సినిమాపై ఆసక్తిని కలిగించిన మేకర్స్.. ఇప్పటికే ఫస్ట్ లుక్ - గ్లిమ్స్ విడుదల చేశారు. అలానే ఇటీవ‌లే విడుద‌లైన మొద‌టి పాట 'బాపు గారు లేకపోయారే' యూట్యూబ్ లో విశేషాద‌ర‌ణ అందుకుంది. ఈ క్రమంలో తాజాగా సినిమాలోని 'బుస్సా బుస్సా' అనే మరో పాట లిరికల్ వీడియోని చిత్ర బృందం రిలీజ్ చేశారు.

'నా మాటంటే మాటే.. రేటంటే రేటే.. ఒక్కసారి వచ్చావంటే.. సచ్చేదాకా వదలలేవు..' అంటూ సాగిన ఈ ఐటమ్ సాంగ్ మాస్ ఆడియన్స్ ని అలరిస్తోంది. ఇందులో బ్రెజిలియ‌న్ మోడ‌ల్ జెన్నీఫ‌ర్ పిక్కినాటో వేసిన స్టెప్పులు ఆకట్టుకుంటున్నాయి. సంగీత దర్శకుడు మహవీర్ సమకూర్చిన మాస్ ట్యూన్ కి తగ్గట్లుగా.. డైరెక్టర్ ఐఎన్ రెడ్డి లిరిక్స్ అందించారు. సింగర్ దీప్తి భోగరాజు ఈ పాటను ఆలపించారు. శివాజీ మాస్టర్ దీనికి కొరియోగ్రఫీ చేశారు. ఈ చిత్రానికి వాస్ కమల్ సినిమాటోగ్రఫీ అందిస్తుండగా.. పుల్లారావు దాసరి ఎడిటింగ్ వర్క్ చేస్తున్నారు.

జెన్నీఫ‌ర్ పిక్కినాటో చిందేసిన 'బుస్సా బుస్సా' మాస్ ఐటమ్ సాంగ్ కు సోష‌ల్ మీడియాతో పాటు అన్ని వ‌ర్గాల ప్రేక్ష‌కుల నుంచి అద్భుత‌మైన రెస్పాన్స్ వస్తోందని ద‌ర్శ‌కుడు ఐ.ఎన్. రెడ్డి తెలిపారు. ''బతుకు బస్టాండ్'' సినిమాకు సంబంధించిన షూటింగ్ మొత్తం ముగిసింద‌ని.. త్వ‌ర‌లోనే విడుద‌ల చేయ‌డానికి స‌న్నాహాలు చేస్తున్న‌ట్లుగా చిత్ర నిర్మాత‌లు తెలిపారు.


Full View