శైల‌జారెడ్డి వెంటే స‌వ్య‌సాచి కూడా!

అక్కినేని బుల్లోడు నాగ‌చైత‌న్య సైమ‌ల్టేనియ‌స్‌ గా రెండు సినిమాల్లో న‌టిస్తున్న సంగ‌తి తెలిసిందే. స‌వ్య‌సాచి - శైల‌జారెడ్డి అల్లుడు ఒకేసారి షూటింగ్ జ‌రుపుకున్నాయి. ఇక వీటిలో తొలిగా  శైల‌జారెడ్డి అల్లుడు రిలీజ్‌ కి వ‌చ్చేస్తోంది. ఈ చిత్రంలో చైతూ అల్లుడుగా న‌టిస్తే - ర‌మ్య‌కృష్ణ అత్త పాత్ర‌లో నటిస్తోంది. చైతూ స‌ర‌స‌న అనూ ఇమ్మాన్యుయేల్ క‌థానాయిక‌గా ఆడిపాడుతోంది. ఇప్ప‌టికే ఈ సినిమా పోస్ట‌ర్లు ఆక‌ట్టుకున్నాయి. ఇక‌పోతే తాజాగా అక్కినేని నాగ‌చైత‌న్య స్వ‌యంగా ఈ సినిమా రిలీజ్ తేదీని ప్ర‌క‌టించాడు.  శైల‌జారెడ్డి అల్లుడు చిత్రం ఆగ‌స్టు 31న రిలీజ‌వుతోంది. ల‌వ్ ప్యాక్డ్ ఎమోష‌న‌ల్ జ‌ర్నీ.. ద‌ర్శ‌కుడు మారుతి ఎంట‌ర్‌ టైన్‌ మెంట్ పీక్! అంటూ గ్రీన్‌ సిగ్న‌ల్ ఇచ్చేశాడు.

ఇక‌పోతే ఈ సినిమా రిలీజైన నెల‌రోజుల‌కు చై- నిధి అగర్వాల్ జంటగా చందు మొండేటి దర్శకత్వంలో తెరకెక్కుతున్న  `సవ్యసాచి` రిలీజ్‌కి రానుంది. మైత్రీ మూవీ మేకర్స్ ఈ చిత్రాన్ని నిర్మిస్తున్న సంగ‌తి తెలిసిందే. ఆర్.మాధవన్ - భూమిక ఇందులో కీలకపాత్రలు పోషించారు. ఈ సినిమా ఓ యాక్ష‌న్ థ్రిల్ల‌ర్ జోన‌ర్ అని ఇప్ప‌టికే చందు మొండేటి తెలిపారు. చైత‌న్య కెరీర్ బెస్ట్ అవుతుంద‌న్న కాన్ఫిడెన్స్‌ని వ్య‌క్తం చేస్తున్నారు. ఇక శైల‌జారెడ్డి అల్లుడు రిలీజైపోతోంది కాబ‌ట్టి త‌దుప‌రి స‌వ్య‌సాచికి లైన్ క్లియ‌రైన‌ట్టే. స‌వ్య‌సాచి టాకీ పార్ట్ ఆగస్ట్ 8తో పూర్తికానుంది. ఆగస్ట్ 15న ఫారిన్ లో చివ‌రి పాటను చిత్రీకరించనున్నారు. సెప్టెంబర్ 15 నాటికి పోస్ట్ ప్రొడక్షన్ వర్క్ తోపాటు సీజీ వర్క్ పూర్తి చేస్తారుట‌.