నాగ్ భ‌లే సిగ్గుప‌డ్డాడు

పాత్ర‌ల్లోకి ప‌ర‌కాయ ప్ర‌వేశం చేయ‌డంలో నాగార్జునకి తిరుగులేదు. ఆ విష‌యం ఎన్నోమార్లు రుజువైంది. మ‌న్మ‌థుడు అన్న ట్యాగ్‌ లైన్ ఉన్న‌ప్ప‌టికీ అన్న‌మ‌య్య‌ - శ్రీరామ‌దాసు - శిరిడిసాయిలాంటి చిత్రాల‌తో ప్రేక్ష‌కుల్ని భ‌క్తి పార‌వ‌శ్యంలో ముంచెత్తారు. ఇవ‌నే కాదు... ఇంకా ఆయ‌న కెరీర్‌ లో విభిన్న‌మైన పాత్ర‌లు చాలానే ఉన్నాయి. ఎప్ప‌టిక‌ప్పుడు తెర‌పై కొత్త‌గా క‌నిపించాల‌ని త‌పించే నాగ్ ఈసారి తండ్రీ కొడుకులుగా రెండు పాత్ర‌లు పోషించాడు....  సోగ్గాడే చిన్నినాయ‌నా చిత్రంకోసం. బంగార్రాజు అనే పాత్రలో తండ్రిగా క‌నిపిస్తే రాము అనే పాత్రలో కొడుకుగా క‌నిపిస్తాడు. బంగార్రాజు ఓ రొమాంటిక్ పాత్ర కాగా, రాము మాత్రం చాలా ఇన్నోసెంట్. రాము పాత్ర‌లో నాగార్జున ఎప్పుడూ సిగ్గు ప‌డుతూనే ఉంటాడ‌ట‌. ఓ డాక్ట‌ర్ అయిన రాము ఎప్పుడూ కంప్యూట‌ర్ ప‌ట్టుకొని త‌న ప్ర‌యోగాలేవో తాను చేసుకుంటూ గ‌డుపుతుంటాడ‌ట‌. ప‌క్కన అంద‌మైన భార్య ఉన్నా స‌రే... ఆమెని   అస్స‌లు ఆలోచించ‌డ‌ట‌. ఆ విష‌యాల‌న్నీ ఇటీవ‌ల విడుద‌ల చేసిన ఓ వీడియోలో చెప్పుకొచ్చాడు నాగ్‌.
 
ప్రేక్ష‌కుల్లో మంచి అంచ‌నాల్ని క్రియేట్ చేసిన `సోగ్గాడే చిన్నినాయ‌నా` చిత్రాన్ని ప‌క్కాగా ప్ర‌మోట్ చేస్తున్నాడు నాగార్జున‌. అందులోని పాత్ర‌ల్ని ప‌రిచ‌యం చేస్తూ త‌ర‌చుగా వీడియో క్లిప్‌ ల‌ని వ‌దులుతున్నాడు. అవి మ‌రింత హైప్‌ ని క్రియేట్ చేస్తున్నాయి. తాజాగా రాము క్యారెక్ట‌ర్‌ ని ప‌రిచ‌యం చేస్తూ వీడియోని వ‌దిలారు. ఆ వీడియోలోని స‌న్నివేశాలు భ‌లే రొమాంటిక్‌ గా ఉన్నాయి. ముఖ్యంగా నాగ్ సిగ్గుప‌డుతున్న విధానం హైలెట్ అని చెప్పొచ్చు. ప‌ని త‌ప్ప మ‌రో ఆలోచ‌న లేని మేధావులు ఎలా ఉంటారో ఈ చిత్రంలో రాము పాత్ర‌తో చూపిస్తున్నామ‌ని నాగ్ చెప్పుకొచ్చాడు. ఈ పాత్ర చేయ‌డాన్ని ఓ ఛాలెంజ్‌ గా భావించాన‌ని ఆయ‌న వివ‌రించాడు. ఇక లావ‌ణ్య అయితే హాట్ హాట్ పోజుల‌తో అద‌ర‌గొట్టేసింది. ఎప్పుడూ బొడ్డు కింద‌కి చీర క‌డుతూ మొగుడ్ని అట్రాక్ట్ చేసే పాత్ర ఆమెది. నా పాత్రే కాదు... ఇందులో రాము పాత్ర కూడా చాలా క్యూట్‌ గా ఉంటుంద‌ని లావ‌ణ్య చెప్పుకొచ్చింది. క‌ళ్యాణ్ కృష్ణ ద‌ర్శ‌క‌త్వంలో తెర‌కెక్కుతున్న ఈ చిత్రాన్ని త్వ‌ర‌లోనే ప్రేక్ష‌కుల ముందుకు తీసుకొచ్చే అవ‌కాశాలున్నాయి.
Full View