దర్శకధీరుడు రాజమౌళి ప్రతిష్టాత్మకంగా తెరకెక్కిస్తున్న భారీ మల్టీ స్టారర్ చిత్రం 'ఆర్ ఆర్ ఆర్'. ఈ చిత్రంలో స్టార్ హీరోలైన జూనియర్ ఎన్టీఆర్ మరియు రామ్ చరణ్ కలిసి నటిస్తుండటంతో దేశవ్యాప్తంగా ఈ చిత్రంపై ఆసక్తి నెలకొంది. బాహుబలి సినిమాతో ప్రపంచ వ్యాప్త క్రేజ్ సంపాదించుకున్న రాజమౌళి నుండి వస్తున్న సినిమా కావడంతో ఈ చిత్రంపై భారీ అంచనాలు నెలకొన్నాయి. ప్రస్తుతం కరోనా ఎఫెక్ట్ వల్ల షూటింగ్ ఆపుకున్న ఆర్.ఆర్.ఆర్ తదుపరి షెడ్యూల్ ఏప్రిల్ నెలలో మొదలు కానుంది. ఈ సినిమాలో ఎన్టీఆర్ 'కొమరం భీమ్' రోల్ చేస్తుండగా - రామ్ చరణ్ 'అల్లూరి సీతారామరాజు' పాత్రలో కనిపించనున్న విషయం తెలిసిందే. కాగా ఈ మూవీ గురించి మరో ఆసక్తికర విషయం బయటికి వచ్చింది.
ఎన్టీఆర్ కొమరం భీమ్ గా నవాబుల ఆయుధ సామగ్రిని తీసుకెళుతున్న ట్రైన్ పై తన సైన్యంతో దాడి చేస్తారట. నవాబుల ఆయుధాలను దోచుకెళ్లే క్రమంలో వచ్చే ఈ పోరాట సన్నివేశం విజువల్ వండర్ లా ఉండడం ఖాయమట. అబ్బురపరిచే విజువల్స్ తో ఈ ఫైట్ ని అద్భుతంగా తీర్చిదిద్దాలని జక్కన్న ప్లాన్ లో ఉన్నారట. ఈ ఫైట్ ఎన్టీఆర్ ఫ్యాన్స్ తో పాటు, సినీ ప్రేమికులకు గొప్ప అనుభూతిని పంచడం ఖాయం అని తెలుస్తుంది. బాలీవుడ్ తోపాటు హాలీవుడ్ నటులు కూడా నటిస్తున్న ఈ చిత్రాన్ని డివీవీ దానయ్య భారీ బడ్జెట్ తో నిర్మిస్తున్నారు. వచ్చే ఏడాది జనవరి 8న విడుదల కానున్న ఈ సినిమాకి రాజమౌళి ఆస్థాన సంగీత దర్శకుడు కీరవాణి సంగీతం అందిస్తున్నారు.
ఎన్టీఆర్ కొమరం భీమ్ గా నవాబుల ఆయుధ సామగ్రిని తీసుకెళుతున్న ట్రైన్ పై తన సైన్యంతో దాడి చేస్తారట. నవాబుల ఆయుధాలను దోచుకెళ్లే క్రమంలో వచ్చే ఈ పోరాట సన్నివేశం విజువల్ వండర్ లా ఉండడం ఖాయమట. అబ్బురపరిచే విజువల్స్ తో ఈ ఫైట్ ని అద్భుతంగా తీర్చిదిద్దాలని జక్కన్న ప్లాన్ లో ఉన్నారట. ఈ ఫైట్ ఎన్టీఆర్ ఫ్యాన్స్ తో పాటు, సినీ ప్రేమికులకు గొప్ప అనుభూతిని పంచడం ఖాయం అని తెలుస్తుంది. బాలీవుడ్ తోపాటు హాలీవుడ్ నటులు కూడా నటిస్తున్న ఈ చిత్రాన్ని డివీవీ దానయ్య భారీ బడ్జెట్ తో నిర్మిస్తున్నారు. వచ్చే ఏడాది జనవరి 8న విడుదల కానున్న ఈ సినిమాకి రాజమౌళి ఆస్థాన సంగీత దర్శకుడు కీరవాణి సంగీతం అందిస్తున్నారు.