మ‌హేష్ తో ప‌ర‌శురామ్ లైన్ క్లియ‌ర్!

సూప‌ర్ స్టార్ మ‌హేష్ వ‌రుస బ్లాక్ బ‌స్ట‌ర్ల‌తో స్పీడ్ మీదున్న సంగ‌తి తెలిసిందే. భ‌ర‌త్ అనే నేను.. మ‌హ‌ర్షి చిత్రాల‌తో విజ‌యాలు అందుకుని అదే స్పీడ్ లో `స‌రిలేరు నీకెవ్వ‌రు` చిత్రంలో న‌టిస్తున్నారు. మ‌హేష్ కెరీర్ 26వ చిత్ర‌మిది. ప్ర‌స్తుతం క‌శ్మీర్ షెడ్యూల్ పూర్తి చేసుకుని హైద‌రాబాద్ లో కీల‌క షెడ్యూల్లో పాల్గొంటున్నారు. అన్న పూర్ణ స్టూడియోస్ లో వేసిన‌ ట్రైన్ సెట్ లో మ‌హేష్ స‌హా ప్ర‌ధాన తారాగ‌ణంపై కీలక స‌న్నివేశాల్ని తెర‌కెక్కిస్తున్నారు. మ‌హేష్ ఆర్మీ మేజ‌ర్ లుక్ ఇటీవ‌లే రివీలైన సంగ‌తి తెలిసిందే.  మ‌హేష్ కెరీర్ లో హిలేరియ‌స్ కామెడీ ఎంట‌ర్ టైన‌ర్ గా ఈ చిత్రాన్ని అనీల్ రావిపూడి తెర‌కెక్కిస్తున్నారు.

ఈ సినిమా త‌ర్వాత మ‌హేష్ న‌టించే సినిమాకి తాజాగా ముహూర్తం ఫిక్స‌య్యింద‌ని తెలుస్తోంది. మహేష్ క‌థానాయ‌కుడిగా పరశు రామ్ ద‌ర్శ‌క‌త్వంలో త‌దుప‌రి సినిమాని డిసెంబర్ లో ప్రారంభించ‌నున్నారు. మైత్రి మూవీ మేక‌ర్స్ సంస్థ ఈ చిత్రాన్ని నిర్మించ‌నుంది. ఆ మేర‌కు మైత్రి స‌న్నిహిత వ‌ర్గాల నుంచి స‌మాచారం అందింది. ప‌రశురామ్ ఇప్ప‌టికే స్క్రిప్టుకి తుది మెరుగులు దిద్దుతున్నారు. మ‌రో నాలుగు నెల‌ల స‌మ‌యం ఉంది కాబ‌ట్టి ప్రీప్రొడ‌క్ష‌న్ ప‌నుల్ని ప‌క్కాగా ప్లాన్ చేస్తున్నార‌ని తెలుస్తోంది.

ప‌ర‌శురామ్ ఇటీవ‌లే `గీత‌గోవిందం` చిత్రంతో బ్లాక్ బ‌స్ట‌ర్ అందుకున్నారు. రౌడీ విజ‌య్ దేవ‌ర‌కొండ కెరీర్ కి బెస్ట్ సినిమాని అందించారు. సుకుమార్ తో సినిమాని క్యాన్సిల్ చేసిన క్ర‌మంలో మ‌హేష్ కి ప‌ర‌శురామ్ స్టోరి లైన్ వినిపించి ఓకే చేయించుకున్న సంగ‌తి తెలిసిందే. మ‌హేష్ కోసం ఓ అద్భుత‌మైన నావెల్టీ ఉన్న క‌థాంశాన్ని ఎంపిక చేసుకున్నార‌ట‌. వినోదం ఏమాత్రం మిస్ కాకుండానే ఈ చిత్రంలో చ‌క్క‌ని సందేశాన్ని అంత‌ర్లీనంగా చూపించ‌నున్నార‌ని తెలుస్తోంది.