ఆ నాలుగే.. కొత్తవేం సైన్ చెయ్యలే

ఆల్రెడీ గత ఏడాది మీడియాతో మాట్లాడినప్పుడే.. నా డైరీలో 2017 కూడా సగంపైగా ఫిల్ అయిపోయింది బాబోయ్ అంటూ గగ్గోలు పెట్టేసింది హీరోయిన్ రకుల్ ప్రీత్ సింగ్. ఇప్పటివరకు కనీసం ఆదివారం కూడా బ్రేక్ తీసుకోకుండా కష్టపడుతున్నానని.. ఆదివారాలు సెలవు కావాలని నా మేనేజర్ ను రిక్వెస్ట్ చేస్తున్నా.. అంటూ అప్పట్లో కామెంట్ చేసిన సంగతి తెలిసిందే.

కట్ చేస్తే.. ఇప్పుడు కూడా అమ్మడు ఫుల్లు బిజీగానే ఉంది. వరుసగా సినిమాలు చేస్తోంది. అయితే కొత్త సినిమాలు ఏమన్నా సైన్ చేశావా డియర్ అంటే.. అబ్బే లేదండీ బాబూ.. ఆ నాలుగు సినిమాలే అని చెబుతోంది. సాయిధరమ్ తేజ్ సరసన చేసిన ''విన్నర్'' సినిమా రిలీజవుతున్న సంగతి తెలసిందే. ఈ సినిమా తరువాత బెల్లకొండ శ్రీనివాస్ హీరోగా రూపొందే సినిమా.. నాగ చైతన్య హీరోగా కళ్యాణ్‌ కృష్ణ తీస్తున్న సినిమా.. మహేష్‌ బాబుతో మురుగుదాస్ డైరక్షన్లో రూపొందుతున్న సినిమా.. అలాగే తమిళ హీరో కార్తీ రూపొందిస్తున్న సినిమా.. ఇవి తప్పించి వేరేవేం లేవంటోంది. అప్పుడే వేరేవి సైన్ కూడా చేయదట.

అంటే పెద్ద పెద్ద హీరోలెవరైనా ఇప్పుడు రకుల్ డేట్స్ కావాలని అనుకుంటే మాత్రం.. వెంటనే పనవ్వదు. కనీసం ఓ మూడు నెలలు వెయిట్ చేయాల్సిందే. అబ్బో రకుల్ చాలా బిజియస్ట్ స్టార్ అయిపోయిందిగా. అంతేలేండి.. అందం ప్లస్ టాలెంట్ రెండూ ఉంటే అంతే.

Like Us on Facebook : https://www.facebook.com/Tupakidotcom/