రకుల్ టు సమంత.. సమంత టు రకుల్

ఒకరి సినిమాలను ఒకరు చేయడం అనేది ఫిలిం ఇండస్ర్టీలో కొత్తేం కాదు. హీరో రామ్ చేయాల్సిన ఊసరవెల్లి సినిమాను ఎన్టీఆర్ చేస్తే.. తరువాత ఎన్టీఆర్ చేయాల్సిన పండగ చేస్కో సినిమాను రామ్ చేశాడు. అలాగే సమంత చేయాల్సిన ఎవడు సినిమాలో శృతి హాసన్ జాయినైతే.. శృతి చేయాల్సిన అత్తారింటికి దారేది సినిమాలో సమంత దర్శనమిచ్చింది. ఇదే విధంగా రకుల్ సినిమా కూడా ఒకటుందండోయ్.

నిజానికి ''ఆటో నగర్ సూర్య'' సినిమాలో ముందుగా రకుల్ ప్రీత్ ను హీరోయిన్ గా తీసుకున్నారట. అప్పటికే ఆమెను చాలా సినిమాల్లోకి హీరోయిన్ గా అనుకుని తరువాత తప్పించడం జరిగింది. ఆల్రెడీ మిష్టర్ పర్ఫెక్ట్ సినిమాలో ఈమెను తప్పించి తాప్సీని తీసుకున్నారు. ఇక ఆటో నగర్ సూర్యలో కూడా రకుల్ ను సైడ్ చేసి సమంతను దించేశారు. అంటే షుమారు అది 2011 నాటి మాట. ఆ తరువాత కొన్నేళ్ళపాటు షూటింగ్ జరుపుకుని ఈ ఆటో నగర్ సూర్య 2014లో రిలీజైంది. కాని ఆ సినిమా రిలీజయ్యేపాటికి రకుల్ ఆల్రెడీ ఇక్కడ స్టార్లెట్ అయిపోయింది.

ఇప్పుడు కళ్యాణ్‌ కృష్ణ డైరక్షన్లో తొలుత నాగచైతన్య అండ్ సమంతను హీరోహీరోయిన్లుగా అనుకున్నారు. కాని ఈలోపు వారి ప్రేమ వ్యవహారం బయటపడటం.. అదే విధంగా వారు ఎంగేజ్మెంట్ కూడా చేసుకోవడానికి అడుగులు వేయడంతో.. ఈ సినిమాలో సమంతను హీరోయిన్ గా తప్పించి.. ఆ స్థానంలో రకుల్ ప్రీత్ సింగ్ ను తీసుకున్నారు. వాటే కోయిన్సిడెన్స్ కదూ. అప్పుడు సమంత రకుల్ ను రీప్లేస్ చేస్తే.. ఇప్పుడు రకుల్ సమంతను రీప్లేస్ చేసింది. అది కూడానూ సేమ్ హీరో విషయంలో జరగడం భలే గమ్మత్తుగా ఉందిలే.

Like Us on Facebook : https://www.facebook.com/Tupakidotcom/