బ్యాంకాక్ లో కూడా రకుల్ వ్యాపారం?

టాలీవుడ్ బ్యూటీ రకుల్ ప్రీత్ సింగ్.. ఇప్పటికే స్టార్ స్టేటస్ ను దక్కించుకున్నట్లే. చేతిలో ఉన్న ప్రాజెక్టుల ప్రకారం చూస్తే.. రకుల్ కంటే స్పీడ్ గా మరే హీరోయిన్ కనిపించడం లేదు. హైద్రాబాద్ కు మకాం కూడా మార్చేసిన ఈ బ్యూటీ.. ఇక్కడ వ్యాపారాలు కూడా మొదలుపెట్టేసింది.

ఎఫ్ 45 అంటూ రకుల్ ప్రీత్ సింగ్ ఓ జిమ్ ను నడిపేస్తోంది. దీన్ని ఆమె సోదరుడు నిర్వహిస్తూ ఉంటాడు. నిజానికి ఎఫ్45 అనే బ్రాండ్ కు చెందిన గచ్చిబౌలి ఫ్రాంచైజీని.. రకుల్ హయాంలో నడుస్తోంది. జూబిలీహిల్స్ లో కూడా ఓ ఎఫ్45 కూడా ఉంది కానీ.. ఇది వేరేవాళ్లు రన్ చేస్తున్నారు. తాజాగా ఓ సినిమా షూట్ కోసం బ్యాంకాక్ వెళ్లింది రకుల్ ప్రీత్. అక్కడ కూడా ఎఫ్45 జిమ్ కి వెళ్లి వర్కవుట్స్ చేస్తూ ఫోటోలకు పోజులు ఇచ్చింది. 'నచ్చిన పని చేయడానికి టైం ఎప్పుడూ దొరుకుతుంది. బ్యాంకాక్ లోని ఎఫ్45లో వర్కవుట్స్ చేస్తున్నా' అంటూ ట్వీట్ పెట్టింది రకుల్ ప్రీత్.

బ్యాంకాక్ ఎఫ్45 ని రకుల్ ప్రమోట్ చేయడం చూస్తుంటే.. ఆ ఫ్రాంచైజీ కూడా రకుల్ ప్రీత్ సింగ్ దే అనుకుంటున్నారు. ఇది కేవలం బ్రాండ్ ప్రమోషన్ కాదని.. తన సొంత జిమ్ కాబట్టే.. బ్యాంకాక్ నుంచి ఎఫ్45కి ప్రచారం చేస్తోందని ఇండస్ట్రీ జనాల టాక్.

Like Us on Facebook : https://www.facebook.com/Tupakidotcom/