సూప‌ర్ స్టార్ మహేష్ ఫ్యామిలీ నుంచి కొత్త హీరో ప‌రిచ‌యం అవుతున్న సంగ‌తి తెలిసిందే. మహేష్ మేన‌ల్లుడు అశోక్ గ‌ల్లా టాలీవుడ్ క‌థానాయ‌కుడిగా ఎంట్రీ ఇస్తున్నారు. దేవ‌దాస్ ఫేం ఆదిత్య శ్రీ‌రామ్ ఈ చిత్రానికి ద‌ర్శ‌క‌త్వం వ‌హిస్తున్నారు. ఇస్మార్ట్ శంక‌ర్ ఫేం నిధి అగ‌ర్వాల్ క‌థా నాయిక‌గా ఎంపికైంది. డెబ్యూ హీరో అశోక్ గ‌ల్లా.. ఎంపీ గ‌ల్లా జ‌య‌దేవ్ కుమారుడు. అశోక్ గ‌ల్లా త‌ల్లి గారు అయిన గ‌ల్లా ప‌ద్మ స్వ‌యంగా ఈ చిత్రాన్ని నిర్మిస్తుండ‌డం ఆస‌క్తిని రేకెత్తిస్తోంది.
న‌వంబ‌ర్ 10న లాంఛ‌నంగా పూజా కార్య క్ర‌మాల‌తో ఈ సినిమా ప్రారంభం కానుంది. ఈ వేడుక‌కు మెగా ప‌వ‌ర్ స్టార్ రామ్ చ‌ర‌ణ్ ముఖ్య అతిధి గా ఎటెండ్ కానున్నార‌ని తెలుస్తోంది. గ‌ల్లా ఫ్యామిలీ అలాగే మహేష్ తో చ‌ర‌ణ్ స‌త్సంబంధాల గురించి తెలిసిందే. గుంటూరు ఎంపీ గ‌ల్లా జ‌య‌దేవ్ కి చ‌ర‌ణ్ ఎంతో స‌న్నిహితంగా వ్య‌వ‌హ‌రిస్తారు. ఆ రిలేష‌న్ తోనే చ‌ర‌ణ్ కి ఈ వేడుక‌కు ముఖ్య అతిధిగా ఆహ్వానించార‌ని గుస‌గుస‌లు వినిపిస్తున్నాయి. ఈ ఆహ్వానాన్ని చ‌ర‌ణ్ కాద‌న‌డు అంటూ మెగా ఫ్యాన్స్ లోనూ ఆస‌క్తిక‌ర చ‌ర్చ సాగుతోంది.
ఇక ఈ వేడుక‌కు మహేష్ హాజ‌ర‌వుతారా లేదా? అన్న‌ది తెలియాల్సి ఉంది. ప్ర‌స్తుతం కేర‌ళ‌లో షూటింగులో బిజీగా ఉన్న మహేష్ వ‌స్తారా లేదా అన్న‌ది నేటి (శ‌నివారం) సాయంత్రానికి తెలియ‌నుంది. ఈ ఈవెంట్ కి సూప‌ర్ స్టార్ కృష్ణ-సీనియ‌ర్ న‌రేష్ స‌హా ఘ‌ట్ట‌మ‌నేని అభిమానులు భారీగా విచ్చేస్తార‌ని భావిస్తున్నారు. హీరో సుధీర్ బాబు ఎటెండ‌య్యే అవ‌కాశం ఉంది. ఇండ‌స్ట్రీ దిగ్గ‌జా ల్లో నిర్మాత దిల్ రాజు స‌హా ప‌లువురు ద‌ర్శ‌క‌నిర్మాత‌లు ఎటెండ‌వుతార‌ట.