'యూట్యూబ్'లో ట్రెండ్ అవుతున్న రష్మిక టాప్ టక్కర్..!

కొద్దీరోజులుగా ఎదురుచూస్తున్న స్టార్ హీరోయిన్ రష్మిక మందన డాన్స్ నంబర్ ‘టాప్ టక్కర్’ వచ్చేసింది. ఇటీవలే విడుదల చేసిన ఈ పాట సోషల్ మీడియాలో ట్రెండ్ అవుతోంది. టాప్ టక్కర్ పెప్పీ సాంగ్ యూట్యూబ్ లో ఓ రేంజిలో లైక్స్ అందుకుంటుంది. బ్యూటిఫుల్ రష్మిక.. బాలీవుడ్ హిప్ హాప్ సింగర్ బాద్షాతో చేతులు కలిసి చేసిన ఈ పాట పెప్పీగా ఊపేస్తుంది. రష్మిక కనిపించిన ఫస్ట్ మ్యూజిక్ వీడియో ఇది. టాప్ టక్కర్ లో రష్మిక ఎప్పుడూ చూడని విధంగా చమక్ మంటూ మెరుస్తోంది. మెరిసే రంగురంగుల డ్రెస్సులలో, చంకీ ఆభరణాలలో కుర్రకారుకు కిక్కిస్తుంది. టీజర్ విడుదలైనప్పుడే రష్మిక లుక్ ఇంటర్నెట్ అంతటా షేక్ చేసింది. సాంగ్ మొత్తం క్యూట్ స్మైల్ తో.. సింపుల్ డాన్స్ మూవ్స్ తో అందరి దృష్టిని తనవైపు తిప్పుకుంటోంది. ఇంకా సాంగ్ లో సెట్టింగ్స్, బ్యాక్‌డ్రాప్‌లు చూస్తే కలర్ ఫుల్ గా ఆకట్టుకుంటున్నాయి. అయితే పాటలో సాహిత్యం మాత్రం రాప్ సాంగ్స్ ఇష్టపడే వారికీ బాగా నచ్చుతుందని చెప్పవచ్చు.

అయితే ఈ టాప్ టక్కర్ పాటలో బాద్‌షా, మ్యూజిక్ డైరెక్టర్ యువన్ శంకర్ రాజా, అమిత్ ఉచనాలు కూడా ఉన్నారు. ఇందులో కనిపించలేదు కానీ జోనితా గాంధీ వాయిస్ మధ్యలో పాటకు బలం ఇస్తుంది. బాద్షా, యువన్ శంకర్ రాజా ఇద్దరూ కలిసి ఈ పాటకు సంగీతం సమకూర్చారు. అయితే ఈ సాంగ్ లో లిరిక్స్ కాస్త కొత్తగా వెరైటీగా అనిపించాయాంటే మాత్రం హిందీ, ఇంగ్లీష్ తో పాటు తమిళం కలిపినందుకే.. ఈ సాంగ్ లిరిక్స్ బాద్షాతో పాటు తమిళ డైరెక్టర్ విఘ్నేష్ శివన్ అందించాడు. ప్రస్తుతం యూట్యూబ్ లో టాప్ టక్కర్ హవా నడుస్తుంది. ఇదిలా ఉండగా.. ప్రస్తుతం రష్మిక మందన హీరోయిన్ గా భారీ సినిమాలలో నటిస్తోంది. అందులో యాక్షన్ థ్రిల్లర్ పుష్ప ఒకటి. ప్రస్తుతం శరవేగంగా షూటింగ్ జరుపుకుంటున్న ఈ సినిమాలో అల్లు అర్జున్ సరసన రష్మిక నటిస్తోంది. అలాగే సౌత్ సినిమాలతో పాటు రష్మిక త్వరలో బాలీవుడ్ ఇండస్ట్రీలో అడుగుపెట్టనుంది.


Full View