ఏ భారతీయ సినిమా అయినా సరే.. ఆడియో వేడుకను భారీగా చేయాలనుకుటే.. కోటో రెండు కోట్లో ఖర్చు చేస్తుంటారు. కానీ ఇప్పటిదాకా ఏ ఆడియో వేడుకకైనా ఐదు కోట్ల రూపాయలైనా ఖర్చు చేయడం చూశారా? విన్నారా? కానీ ఇప్పుడో సౌత్ ఇండియన్ సినిమా ఆడియో ఫంక్షన్ కు ఏకంగా రూ.10 కోట్లు ఖర్చు పెడుతున్నారు. ఆ సినిమా మరేదో కాదు.. శంకర్-రజినీకాంత్ కాంబినేషన్లో తెరకెక్కిన విజువల్ వండర్ ‘2.0’. అవును.. ‘2.0’ ఆడియో వేడుక కోసం ఏకంగా రూ.10 కోట్లు ఖర్చు పెడుతున్నారట. ఈ వేడుకను దుబాయిలో నిర్వహించబోతున్నట్లు ముందే ప్రకటించిన సంగతి తెలిసిందే. ఇప్పుడు వేదికను కూడా వెల్లడించారు.
దుబాయిలోని ప్రసిద్ధ బుర్జ్ ఖలీఫా టవర్స్ ప్రాంగణంలోని బుర్జ్ పార్కులో అక్టోబరు 27న ‘2.0’ ఆడియో వేడుక చేయబోతుండటం విశేషం. ఆ పార్కులో వేడుక చేయడం కోసం అద్దె కిందే కొన్ని కోట్లు ఖర్చు చేస్తున్నారట. ఇక ఇండియా నుంచి ఈ వేడుక కోసం అతిథుల్ని సొంత విమానాల్లో తీసుకెళ్లి తీసుకు రావడం కోసం కూడా భారీగానే ఖర్చవుతోంది. ఆడియో వేడుక రోజు ఎ.ఆర్.రెహమాన్ తన బృందంతో కలిసి ప్రత్యేక ప్రదర్శన కూడా ఇవ్వనున్నాడు. భారతీయ సినీ పరిశ్రమకు చెందిన కొందరు అతిరథ మహారథుల్ని ఈ వేడుకకు తీసుకెళ్తారని సమాచారం. అతిథులందరికీ బుర్జ్ ఖలీఫాలోనే బస కూడా ఏర్పాటు చేశారు. మొత్తానికి ఈ ఆడియో వేడుక ఇండియన్ సినిమానే కాదు.. ప్రపంచ సినిమా దృష్టిని కూడా ఆకర్షించడం ఖాయం. ఇక ‘2.0’ టీజర్ ను నవంబర్లో హైదరాబాద్ వేదికగా లాంచ్ చేయబోతుండగా.. డిసెంబర్లో చెన్నైలో ట్రైలర్ రిలీజ్ చేస్తారు.
దుబాయిలోని ప్రసిద్ధ బుర్జ్ ఖలీఫా టవర్స్ ప్రాంగణంలోని బుర్జ్ పార్కులో అక్టోబరు 27న ‘2.0’ ఆడియో వేడుక చేయబోతుండటం విశేషం. ఆ పార్కులో వేడుక చేయడం కోసం అద్దె కిందే కొన్ని కోట్లు ఖర్చు చేస్తున్నారట. ఇక ఇండియా నుంచి ఈ వేడుక కోసం అతిథుల్ని సొంత విమానాల్లో తీసుకెళ్లి తీసుకు రావడం కోసం కూడా భారీగానే ఖర్చవుతోంది. ఆడియో వేడుక రోజు ఎ.ఆర్.రెహమాన్ తన బృందంతో కలిసి ప్రత్యేక ప్రదర్శన కూడా ఇవ్వనున్నాడు. భారతీయ సినీ పరిశ్రమకు చెందిన కొందరు అతిరథ మహారథుల్ని ఈ వేడుకకు తీసుకెళ్తారని సమాచారం. అతిథులందరికీ బుర్జ్ ఖలీఫాలోనే బస కూడా ఏర్పాటు చేశారు. మొత్తానికి ఈ ఆడియో వేడుక ఇండియన్ సినిమానే కాదు.. ప్రపంచ సినిమా దృష్టిని కూడా ఆకర్షించడం ఖాయం. ఇక ‘2.0’ టీజర్ ను నవంబర్లో హైదరాబాద్ వేదికగా లాంచ్ చేయబోతుండగా.. డిసెంబర్లో చెన్నైలో ట్రైలర్ రిలీజ్ చేస్తారు.