ప్రిన్స్ కి బెస్ట్ ఛాయస్ ఎవరు?

మహర్షి తర్వాత మహేష్ సినిమా ఎవరితో అనే క్లారిటీ నిన్నటితో ఫుల్ గా వచ్చేసింది. సుకుమార్ తో ఇక చేసేది లేదని మహేష్ తేల్చి చెప్పడంతో అనిల్ రావిపూడికి బంగారు బాతు దొరికేసింది. ఇప్పటిదాకా చేసిన నాలుగు సినిమాల్లో మహేష్ రేంజ్ స్టార్ తో అనిల్ సినిమా చేయలేదు. ఇది కనక బ్లాక్ బస్టర్ కొడితే వైల్డ్ కార్డు ఎంట్రీతో అగ్ర దర్శకుల జాబితాలో చోటు దక్కించుకుంటాడు. ఎఫ్2 ఇండస్ట్రీ హిట్ అయినప్పటికీ అందులో అనిల్ రావిపూడి టేకింగ్ తో సమానంగా వెంకీ కామెడీ టైమింగ్ దాన్ని కాపాడిందన్న కామెంట్స్ బలంగా వినిపించాయి.

అందుకే మహేష్ మూవీ విషయంలో అలాంటి వాటికి తావివ్వకుండా పక్కా ఎంటర్ టైనింగ్ స్క్రిప్ట్ రెడీ చేస్తున్నట్టు తెలిసింది. ఇప్పటికే బ్యాక్ గ్రౌండ్ వర్క్ స్టార్ట్ చేసిన అనిల్ రావిపూడి హీరొయిన్ల విషయంలో కొంత క్లారిటీతో ఉన్నాడట.  ఇప్పుడు రెండు ఛాయస్ లను సీరియస్ గా పరిగణిస్తున్నట్టు సమాచారం. ఒకరు సాయి పల్లవి కాగా మరొకరు రష్మిక మందన్న.

అయితే ఈ ఇద్దరూ మహేష్ అందం ముందు సరితూగగలరా అనే పాయింట్ మీద అభిమానుల్లో చర్చ మొదలైంది. ఇద్దరు అద్భుతమైన ఆర్టిస్టులే అయినప్పటికీ ఇది మహేష్ సినిమా కాబట్టి పెర్ఫార్మన్స్ కన్నా ఎక్కువగా గ్లామర్ మీద ఫోకస్ ఉంటుంది. భరత్ అనే నేనుకి ఇదే సమస్య వస్తే కొరటాల శివ బాలీవుడ్ కు వెళ్లి మరీ కీయరా అద్వానిని తీసుకొచ్చాడు.

మహర్షిలో సైతం డిమాండ్ ఉన్న పూజా హెగ్డే తప్ప వేరే ఆప్షన్ దొరకలేదు. వీళ్ళతో పోల్చుకుంటే సాయి పల్లవి రష్మిక మందన్నల గ్లామర్ ఫ్యాక్టర్ కాస్త తక్కువగా అనిపిస్తుంది. యాక్టింగ్ తో సహా మిగిలిన విషయాల్లో వీరికి వీరే సాటి. మరి వెన్నముద్ద అందంతో మెరిసిపోయే మహేష్ బాబు పక్కన  సాయి పల్లవి రష్మిక మందన్నలు సెట్ అవుతారా లేదా అనేది అనిల్ రావిపూడి డిసైడ్ చేసాక ఆలోచించవచ్చు