అవ‌స‌రాల సినిమా.. షాకింగ్ పోస్ట‌ర్

కొన్నాళ్ల కింద‌టి వ‌ర‌కు కొత్త సినిమాల‌కు సంబంధించి ప్రేక్ష‌కుల‌కు చూపించే తొలి విశేషం ఫస్ట్ లుక్ పోస్ట‌రే అయ్యేది. కానీ ఈ మ‌ధ్య ప్రి లుక్ అంటూ కొత్త సంప్ర‌దాయం మొద‌లైంది. ఫ‌స్ట్ లుక్ రిలీజ్ చేయ‌డానికి ముందు క‌నిపించీ క‌నిపించ‌కుండా ఒక ప్రి లుక్ రిలీజ్ చేసి ప్రేక్ష‌కుల్ని ఊరిస్తున్నారు ఫిలిం మేక‌ర్స్. అవ‌స‌రాల శ్రీనివాస్ క‌థానాయ‌కుడిగా తెర‌కెక్కుతున్న కొత్త సినిమా సోగ్గాడు సినిమాకు కూడా ఇలాగే ఒక ఆస‌క్తిక‌ర‌మైన ప్రి లుక్ పోస్ట‌ర్ వ‌దిలారు. ఒక అమ్మాయి పెద‌వి కొరుకుతున్న దృశ్యాన్ని కేవ‌లం పెద‌వుల వ‌ర‌కే క్యాప్చ‌ర్ చేసి.. అదే ప్రి లుక్ అనేసింది సోగ్గాడు బృందం.

సోగ్గాడు సినిమా ఎలా ఉండబోతోందో ఈ ఫ‌స్ట్ లుక్ పోస్ట‌ర్ చూస్తే అర్థ‌మ‌వుతుంది. ఇది బాలీవుడ్లో హిట్ట‌యిన అడ‌ల్ట్ కామెడీ మూవీ హంట‌ర్‌కు రీమేక్ అన్న సంగ‌తి తెలిసిందే. రొమాన్స్.. అడ‌ల్ట్ కామెడీ డోస్ బాగా ఉండే సినిమా ఇది. ద‌ర్శ‌కుడిగా మాంచి ఊపులో ఉన్న అవ‌స‌రాల‌.. ఏరి కోరి హీరోగా ఈ సినిమా చేస్తున్నాడు. ఈ చిత్రంలో అత‌డి కోసం చాలామంది అమ్మాయిల్నే సెట్ చేశారు. మిస్తీ చ‌క్ర‌వ‌ర్తి.. తేజ‌స్వి మ‌దివాడ‌.. శ్రీముఖిల‌తో పాటు సుప్రియ ఐసోలా అనే మ‌రో అమ్మాయి కూడా న‌టిస్తోంది ఇందులో.  అభిషేక్ పిక్చ‌ర్స్ నిర్మాణంలో తెర‌కెక్కుతున్న ఈ చిత్రంతో నవీన్ మేడారం అనే కొత్త ద‌ర్శ‌కుడు ఇండ‌స్ట్రీకి పరిచయమవుతున్నాడు.


Like Us on Facebook : https://www.facebook.com/Tupakidotcom/