సందీప్ రేంజ్ పెరుగుతోంది చూశారా

యంగ్ హీరో సందీప్ కిషన్ పరిస్థితి ఏమంత బాగాలేదు. వరుసగా సినిమాలు డింకీ కొట్టేస్తున్నాయి. రన్.. ఒక అమ్మాయి తప్ప చిత్రాలపై ఎన్నో ఆశలు పెట్టుకుంటే.. టాక్ బాగానే ఉన్నా ఫెయిల్యూర్స్ ఎదుర్కోవాల్సి వచ్చింది. ప్రమోషన్ కూడా బాగానే చేసినా.. రిజల్ట్ మాత్రం ఆశించినట్లుగా రావడం లేదు. అయితే.. ఇదంతా ప్రెజెంట్ పొజిషన్ మాత్రమే. సందీప్ రేంజ్ త్వరలో మారిపోబోతోందనే విషయం.. ఈ కుర్రాడు క్యూలో పెట్టిన సినిమాలు చూస్తే అర్ధమవుతుంది.

తెలుగులో నక్షత్రం అంటూ క్రియేటివ్ డైరెక్టర్ కృష్ణవంశీతో సినిమా చేస్తున్నాడు. ఇది సక్సెస్ అయితే.. టాలీవుడ్ లో ఇతగాడి రేంజ్ మారిపోవడం ఖాయం. ఇక తమిళంలోనూ సత్తా చాటుతున్న సందీప్ కిషన్.. మాయవన్.. మానగరం(తెలుగు వెర్షన్ పేరు నగరం)అనే మూవీస్ చేస్తున్నాడు. వీటితో పాటు సుశీంద్రన్ చేయనున్న ఓ బైలింగ్యువల్ మూవీకి కూడా కమిట్ అయినట్లు తెలుస్తోంది. కాన్సెప్ట్ చిత్రాలకు కమర్షియల్ ఎలిమెంట్స్ జోడించి సినిమాలు తీయడంలో స్పెషలిస్ట్ అయిన సుశీంద్రన్.. తమిళ్ లో విక్రాంత్ తోను.. తెలుగులో సందీప్ కిషన్ తోను సినిమా చేయనున్నాడు.

సుశీంద్రన్ సినిమాలో ఆఫర్ రావడం.. సందీప్ అదృష్టంగా చెప్పేస్తున్నారు సినీ జనాలు. రాబోయే 3 నెలల్లో 3 సినిమాలు విడుదలకు సిద్ధం చేసిన సందీప్ కిషన్ స్పీడ్.. ఇప్పట్లో తగ్గేటట్లు లేదు.


Like Us on Facebook : https://www.facebook.com/Tupakidotcom/