అరే.. తమన్ కూడా గొంతు సవరించాడే

సాధారణంగా ఇద్దరు లీడింగ్ మ్యూజిక్ డిరెక్టర్ల మధ్య పోటీ ఎక్కువగా ఉంటుంది. కానీ పోటీ కంటే ఫ్రెండ్షిప్ గొప్పది అని నిరూపిస్తూ, మ్యూజిక్ డైరెక్టర్ తమన్ తన స్నేహితుడు మిక్కీ జె మేయర్ సంగీతం అందించిన 'ఒక్క అమ్మాయి తప్ప' చిత్రం లో ఒక పాట పాడారు.  'ప్ర‌స్థానం' వంటి డిఫ‌రెంట్ మూవీతో సినిమా రంగానికి ప‌రిచ‌య‌మైన సందీప్‌కిష‌న్‌ హీరో గా నటించిన ఈ చిత్రంలో, హీరో ఇంట్రడక్షన్ పాటను తమన్ ఆలపించారు. ఈ పాట రికార్డింగ్ పూర్తయ్యింది. మిక్కీ జె మేయర్ మాట్లాడుతూ "ఈ చిత్రంలో హీరో ఇంట్రడక్షన్ పాట తమన్ పాడితే బాగుంటుంది అనుకుని తనని అడిగాను. తను వెంటనే ఎంతో స్పోర్టివ్ గా ఒప్పుకున్నాడు. అందుకు తమన్ కి థాంక్స్ చెప్తున్నాను" అన్నారు.

ఇందులో సందీప్ సరసన నిత్యా మీనన్  హీరోయిన్ గా నటిస్తోంది. ప్రస్తుతం చిత్రం షూటింగ్ చివరి దశలో ఉంది. మరొక రెండు పాటల చిత్రీకరణ మిగిలి ఉంది అని డైరెక్టర్ రాజ‌సింహ తాడినాడ తెలిపారు. ఇది ఒక డిఫ‌రెంట్ బ్యాక్‌డ్రాప్‌తో నడిచే క‌మ‌ర్షియ‌ల్ ఎంట‌ర్ టైన‌ర్  అన్నారు దర్శకుడు. రాజ‌సింహ తాడినాడ ఈ చిత్రంతో డైరెక్ట‌ర్‌గా ప‌రిచ‌యం అవుతున్నారు. ఆయన గతం లో ఎన్నో చిత్రాలకు రచయిత గా పని చేసారు. రుద్రమదేవిలో బన్ని నటించిన గోన గన్నారెడ్డి పాత్రను ఈయనే తీర్చిదిద్దారు. బోగాది అంజిరెడ్డి ఈ చిత్రానికి నిర్మాత. అయన గతం లో  'సినిమా చూపిస్త‌మావ' చిత్రానికి నిర్మాతగా ఉన్నారు. ఈ చిత్రం లో ప్రఖ్యాత హిందీ నటుడు రవి కిషెన్ విలన్ గా నటిస్తున్నాడు.  ఇది ఇలా వుంటే.. ఇప్పటికే యువ సంగీత దర్శకుడు దేవిశ్రీ పాటలు పాడుతూ వెండితెరపై హుషారెత్తిస్తున్నాడు. మరి తమన్ కూడా అదే రేంజ్లో తన గళంతో ఆకట్టుకుంటాడో లేదో చూద్దాం.