స‌ర్జ‌రీల‌పై ర‌కుల్ ఇచ్చిన క్లారిటీ ఇదే

న‌య‌న‌తార‌.. శ్రుతిహాస‌న్ ... స‌మం.. ర‌కుల్ .. వీరంతా స‌ర్జ‌రీలు చేయించుకుని అందాన్ని మెరుగుప‌రుచుకున్నార‌నే టాక్ ప‌రిశ్ర‌మ‌లో ఉంది. స‌హజ అందాన్ని మ‌రింత మెరుగు ప‌ర్చుకునేందుకే ఈ శ‌స్త్ర చికిత్స‌లు అని చాలా సార్లు విన్నాం.

ఇటీవల హాటీ రకుల్ ప్రీత్ సింగ్ ఇన్ స్టాలో పోస్ట్ చేసిన ఓ ఫోటోగ్రాఫ్ ఈ త‌ర‌హా డిబేట్ కి తెర తీసింది. స‌రిగా క్లిక్ చేయ‌ని ఓ సెల్ఫీని పోస్ట్ చేయడంతో స‌ర్జ‌రీ జ‌రిగిందంటూ అపోహప‌డాల్సొచ్చింది. ర‌కుల్ పెద‌వుల‌కు స‌ర్జ‌రీ అంటూ ప్ర‌చారం సాగిపోయింది. కానీ అది స‌ర్జ‌రీ కాద‌ని తాజాగా ర‌కుల్ ప్రాక్టిక‌ల్ గానే క్లారిటీనిచ్చింది.

ఇంత‌కీ అది ఫోటోషాప్ ఫాల్ట్ అయ్యుండొచ్చ‌ని కూడా ఇప్పుడు సందేహాలు వ‌చ్చేలా మ‌రికొన్ని ఫోటోల‌ను ర‌కుల్ షేర్ చేయ‌డం ఆస‌క్తిక‌రం. కొండపోలం సినిమా ప్రీ-రిలీజ్ ఈవెంట్ లో ర‌కుల్ ఒరిజిన‌ల్ రూపం బ‌య‌ట‌ప‌డింది. ఈ వేడుక‌లో ఆమె పెదవులు చాలా సాధారణంగా కనిపించాయి. ఏ ప్లాస్టిక్ సర్జరీ చేయలేదని నిర్ధార‌ణ‌కు రావొచ్చు.

ఇప్పటికే కొంత మంది అభిమానులు కొండపోలం ఈవెంట్ నుండి రకుల్ ఫోటోల‌ను సరిపోల్చడంలో బిజీగా ఉన్నారు. ర‌కుల్ మునుప‌టి కంటే హాట్ గా క‌నిపిస్తోంద‌ని కితాబిచ్చేస్తున్నారు. మొత్తానికి శ‌స్త్ర చికిత్స జ‌ర‌గ‌లేద‌ని భావించాలి ఇప్ప‌టికి. కొండ‌పొలం నేడు విడుద‌లైన సంగ‌తి తెలిసిందే.